Pieramožca dziciačaha «Jeŭrabačańnia-2005» Ksienija Sitnik u navahodniuju noč prademanstravała ŭ instahramie šmatznačnaje fota.
Ksienija vykłała vialiki dopis i dadała šmat zdymkaŭ. Zrobleny jany byli na tajłandskim vostravie Ko Pchanhan.
U padborcy jość i fota budysckaha chrama, i zdymki ŭ kupalniku, i videa, na jakich Ksienija katajecca na arelach ci prahulvajecca pa plažy ŭ kampanii mužčyny. Siarod inšaha možna pabačyć i zdymak, na jakim dziaŭčyna demanstruje na pierściancy piarścionak ź vialikim dyjamientam, jaki vyhladaje jak zaručalny.
Sam ža dopis pryśviečany tamu, što pužać moža nie tolki hora, ale i ščaście: «Strašna prosta ŭziać i jaho sabie dazvolić, učapiŭšysia kipciurami, zadušyć u abdymkach, bieź ciažkaj niajomkaści, što zdabyta niezakonna. Davodzicca vartavać, jak kantrabandu: chavać, ahladacca, nie raspakoŭvać pry inšych. Ciahnuć čamadany z dastatkam skroź budni ŭpotaj, bajučysia, što ŭsiaki šorhat vydaść z vantrobami i abierniecca kanfiskacyjaj».
Ale zakančvaje Ksienija frazaj: «Budziem biessaromna prysvojvać sabie samaje lepšaje!»
Chto ž abrańnik biełaruskaj zorki? Jana nie asabliva pakazvaje svajho kachanaha. Ale pa tatu mužčyny, jakija traplajuć u kadr čas ad času, nieskładana zdahadacca, pra kaho idzie havorka. Jon taksama žyvie ŭ Prazie. U akaŭncie paznačana, što mužčyna źviazany z kampanijaj, jakaja zajmajecca prajektavańniem i budavańniem pryvatnych damoŭ, i kampanijaj, jakaja vyroščvaje bansaj.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary