«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?
Кікбаксёр Віталь Гуркоў некалькі месяцаў таму пахваліўся, што зрабіў прапанову рукі і сэрца, але паказваць каханую не спяшаецца. Хто ж тая Ганна?
Напрыканцы мая Віталь Гуркоў зрабіў сторыс з выявай двух заручальных пярсцёнкаў і напісаў на ўкраінскай мове: «Я зробив пропозицію. Анна відповіла так!».
Удакладняць, што гэта з дзяўчына, баксёр не стаў. У яго акаўнце ёсць фотаздымак, на якім ён абдымае прыгажуню, але ж пара стаіць да фатографа спінамі.
Прааналізаваўшы сторыс баксёра, «Наша Ніва» ўсё ж змагла даведацца, хто ж стаў абранніцай Віталя. Ён адпачывае і вандруе разам з украінкай Ганнай Ясмінай.
Яна жыве ў Кіеве і мае шасцігадовага сына. Ганна — дыджэй, выступае на розных вечарынах.
Наколькі вядома, раней Віталь Гуркоў ніколі не быў жанаты.
Даволі працяглымі былі яго адносіны з гімнасткай Меліцінай Станютай, з якой Віталь пазнаёміўся ў 2015 годзе. Але ж там усё было не вельмі проста. Калі ў 2019-м чарговы раз пайшлі чуткі пра тое, што пара разышлася, Гуркоў у каментарыі для «Нашай Нівы» заявіў, што ў іх усё вельмі добра і літаральна тыдзень таму ён са Станютай размаўляў пра вяселле.
У тым жа 2019 годзе расійскія СМІ пісалі пра тое, што ў баксёра быццам бы раман з беларускай спявачкай Рытай Дакотай, якая тады была ў разводзе. Але ж у выніку Гуркоў сказаў, што гэта плёткі: «Так, мы сустракаліся. Але гэта было 10 гадоў таму».
Яшчэ напачатку 2020 года Гуркоў і Станюта зрабілі агульны гарачы фотасэт, а праз некалькі месяцаў баксёр у «Жыцці-маліна» прызнаўся, што адносіны зайшлі ў тупік. Віталь казаў, што некалькі разоў вельмі рамантычна рабіў Меліціне прапанову стаць яго жонкай, але адказы былі розныя: «Былі і слёзы, і так, і не. І ўсё астатняе».
У 2020 годзе Гуркоў праз палітычную сітуацыю ў Беларусі паехаў ва Украіну і застаўся там. Нядаўна экс-кікбаксёр выклаў у інстаграме фота ў форме афіцэра ўкраінскай паліцыі з подпісам: «Служу ўкраінскаму народу!».
Кіраўнік Ліды заклікаў сілавікоў не спыняць палітычных рэпрэсій28
Каментары