Жонка Котава спадзяецца, што яе муж будзе ў спісе на абмен палітвязняў
Жонка Анатоля Котава, які знік пасля прылёту ў Турцыю тры месяцы таму, спадзяецца, што знайсці яго здолее спецыяльны пасланнік прэзідэнта ЗША па Беларусі Джон Коўл і што яе муж стане часткай «вялікай здзелкі», піша агенцтва Reuters.
Пакуль пасланнік Трампа Джон Коўл рыхтуецца да новага раўнда перамоваў з прэзідэнтам Беларусі Аляксандрам Лукашэнкам аб вызваленні палітычных зняволеных, Анастасія заявіла Reuters, што спадзяецца, што вызваленне яе мужа можа стаць часткай пагаднення.
Калі Котаў сапраўды затрыманы ў Беларусі, то, паводле Анастасіі, яна мае вялікія надзеі на амерыканскія перамовы з Лукашэнкам.
«І я вельмі хацела б, каб імя майго мужа было ўключана ў спісы на вызваленне, на абмен», — сказала яна агенцтву.
45‑гадовы Анатоль Котаў прыляцеў у Стамбул з Варшавы ў чацвер, 21 жніўня. У наступныя гадзіны ён абмяняўся серыяй паведамленняў са сваёй жонкай Анастасіяй і паабяцаў паведаміць ёй, дзе будзе спыняцца. Ён так і не зрабіў гэтага. Потым перастаў ёй адказваць.
Пасля безвыніковых спроб знайсці яго прыхільнікі Котава заявілі, што баяцца, што ён мог трапіць у рукі КДБ або ФСБ РФ.
Котаў — былы высокапастаўлены спартыўны чыноўнік Беларусі, сышоў у адстаўку ў 2020 годзе ў знак пратэсту супраць фальсіфікацыі выбараў.
Пасля паездкі за межы ЕС таямніча знік Анатоль Котаў, былая правая рука Паўла Латушкі
Анатоль Котаў ужо выязджаў у Турцыю і лічыў яе бяспечнай — крыніцы
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення
Кейс Котава зноў актуалізаваў пытанне, куды небяспечна ехаць беларусам, якія асцерагаюцца пераследу
Зніклы Котаў выехаў з Турцыі морам — магчыма, у бок Расіі
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары
Нельга дабіцца правільных вынікаў без правільнай тэрміналогіі.