Žonka Kotava spadziajecca, što jaje muž budzie ŭ śpisie na abmien palitviaźniaŭ
Žonka Anatola Kotava, jaki źnik paśla prylotu ŭ Turcyju try miesiacy tamu, spadziajecca, što znajści jaho zdoleje śpiecyjalny pasłańnik prezidenta ZŠA pa Biełarusi Džon Koŭł i što jaje muž stanie častkaj «vialikaj ździełki», piša ahienctva Reuters.
Pakul pasłańnik Trampa Džon Koŭł rychtujecca da novaha raŭnda pieramovaŭ z prezidentam Biełarusi Alaksandram Łukašenkam ab vyzvaleńni palityčnych źniavolenych, Anastasija zajaviła Reuters, što spadziajecca, što vyzvaleńnie jaje muža moža stać častkaj pahadnieńnia.
Kali Kotaŭ sapraŭdy zatrymany ŭ Biełarusi, to, pavodle Anastasii, jana maje vialikija nadziei na amierykanskija pieramovy z Łukašenkam.
«I ja vielmi chacieła b, kab imia majho muža było ŭklučana ŭ śpisy na vyzvaleńnie, na abmien», — skazała jana ahienctvu.
45‑hadovy Anatol Kotaŭ prylacieŭ u Stambuł z Varšavy ŭ čaćvier, 21 žniŭnia. U nastupnyja hadziny jon abmianiaŭsia sieryjaj paviedamleńniaŭ sa svajoj žonkaj Anastasijaj i paabiacaŭ paviedamić joj, dzie budzie spyniacca. Jon tak i nie zrabiŭ hetaha. Potym pierastaŭ joj adkazvać.
Paśla biezvynikovych sprob znajści jaho prychilniki Kotava zajavili, što bajacca, što jon moh trapić u ruki KDB abo FSB RF.
Kotaŭ — były vysokapastaŭleny spartyŭny čynoŭnik Biełarusi, syšoŭ u adstaŭku ŭ 2020 hodzie ŭ znak pratestu suprać falsifikacyi vybaraŭ.
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
Kiejs Kotava znoŭ aktualizavaŭ pytańnie, kudy niebiaśpiečna jechać biełarusam, jakija aścierahajucca pieraśledu
Źnikły Kotaŭ vyjechaŭ z Turcyi moram — mahčyma, u bok Rasii
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Nielha dabicca pravilnych vynikaŭ biez pravilnaj terminałohii.