Žonka Kotava padała zajavu ŭ prakuraturu Polščy i naniała advakataŭ dla pošuku muža
Anastasija Pilipčyk, žonka źnikłaha aktyvista Anatola Kotava, raspaviała Reform.news, jakija dziejańni jana prymaje dla pošuku muža. Žančyna padała zajavu ŭ polskuju prakuraturu i naniała advakataŭ u Turcyi.
Nahadajem, były čynoŭnik i pradstaŭnik Biełaruskaha fondu spartyŭnaj salidarnaści (BFSS) Anatol Kotaŭ 21 žniŭnia vylecieŭ z Varšavy ŭ Stambuł i źnik.
Jak raspaviała Reform.news Anastasija Pilipčyk, paśla taho jak muž pajechaŭ u aeraport, jany pierapisvalisia tekstavymi paviedamleńniami. «Paviedamleńni, na moj pohlad, byli zvyčajnymi, adpaviednymi temie i nie vyklikali padazreńniaŭ», — dadała jana.
Apošniaje paviedamleńnie ad muža žančyna atrymała ŭ 21:12 pa polskim časie (u Turcyi było 22:12).
Pavodle jaje słoŭ, apošniaje jaje paviedamleńnie, jakoje jon pračytaŭ, było adpraŭlena 21 žniŭnia ŭ 21:28 pa polskim časie, paśla čaho jon bolš nie vychodziŭ na suviaź.
Tryvohu Anastasija zabiła ŭ piatnicu ŭ 11:50, kali muž nie adkazaŭ na zvanok na mabilny telefon. Telefon byŭ niedastupny. U subotu i niadzielu (23 i 24 žniŭnia) jana patelefanavała i napisała ŭ Hienieralnaje konsulstva Polščy ŭ Stambule i rajonnaje adździaleńnie palicyi ŭ Varšavie.
U paniadziełak 25 žniŭnia ŭ 10:08 jana adpraviła zajavu ab źniknieńni čałavieka ŭ Departamient palicyi Stambuła na elektronnuju poštu.
Kab raspačać pošuk źnikłaha čałavieka, svajak pavinien asabista pryjechać u Turcyju i padać zajavu, abo zrabić heta praz advakataŭ pa davieranaści. Pavodle słoŭ Anastasii, na dadzieny momant advakaty ŭžo naniatyja.
Taksama žančyna źviarnułasia 27 žniŭnia z zajavaj u prakuraturu Polščy.
Raniej u tureckaj presie źjavilisia paviedamleńni pra los Anatola Kotava, vidavočna, źlityja tureckimi siłavikami. Tak, tureckaje vydańnie IHA paviedamiła, što Kotaŭ prybyŭ u stambulski aeraport 21 žniŭnia ŭ 13:49 z Varšavy. U toj ža dzień jon vylecieŭ u turecki horad Trabzon na paŭnočnym uschodzie Turcyi, a zatym pakinuŭ terytoryju Turcyi ŭ 18:35 praz marski pamiežny punkt Trabzona.
Krynica ŭ palicyi Trabzona raspaviała stambulskamu biuro DW, što Kotaŭ adpraviŭsia ŭ Sočy na pryvatnaj jachcie. Aficyjnaha paćviardžeńnia hetaj infarmacyi pakul niama.
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
Źnikły Kotaŭ vyjechaŭ z Turcyi moram — mahčyma, u bok Rasii
Palicyja Stambuła patłumačyła, čamu pakul nie šukaje Kotava
Anatol Kotaŭ adpłyŭ z Trabzona ŭ Sočy na jachcie
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary