Stambulskaje biuro Deutsche Welle źviarnułasia ŭ tureckuju palicyju pa źviestki ab źniknieńni ŭ Turcyi Anatola Kotava.
21 žniŭnia Kotaŭ, były biełaruski čynoŭnik, jaki paśla 2020 hoda dałučyŭsia da apazicyi, prylacieŭ u Stambuł i ŭ 12:26 pa polskim časie napisaŭ žoncy, što pryziamliŭsia. Na pytańnie, dzie jon spynicca, Kotaŭ adkazaŭ praź dźvie hadziny — kazaŭ, što napiša, kali budzie viedać. Apošniaje paviedamleńnie ŭ hety dzień jon adpraviŭ u 21:28 pa Varšavie, ale adras hatela jon tak i nie napisaŭ, paviedamlaje Deutsche Welle.
Viadoma, što ŭ toj ža dzień Kotaŭ adpłyŭ z tureckaha Trabzona.
Hetaja pierapiska prykładzienaja da zajavy ab źniknieńni Anatola Kotava, jakuju 25 žniŭnia jaho žonka Anastasija padała ŭ palicyju Stambuła pa elektronnaj pošcie na tureckaj movie.
Pry hetym u adździele pa pošuku źnikłych ludziej palicyi Stambuła na zapyt DW adkazali, što źviestak ab źniknieńni ŭ Turcyi Kotava abo jakoha-niebudź inšaha hramadzianina Biełarusi paśla 21 žniŭnia ŭ ich sistemie niama.
28 žniŭnia žurnalist DW adpraviŭsia ŭ palicejski ŭčastak Stambuła, kab pierapravieryć infarmacyju — tam taksama nie znajšli imia Kotava ŭ sistemie.
Palicyjanty padkreślili, što rasśledavańni takoha rodu zvyčajna nie pačynajucca na padstavie mejła — padavać zajavu ab źniknieńni čałavieka treba asabista.
Kamientary
Pakazaŭ u Trabzonie biełaruski pašpart - atrymaŭ štamp i ad́ju. Sotni biełarusaŭ praz Turcyju što dnia tranzitam ci abnulać termin prybyvańnia ŭ blizkich krainach.
Hruzinskaja palicyja zvyčajna idzie na kantakt z zapytami ź ES. U ich tam teraz celnaja kampanija baraćby z "rašn mafija", kab finansavańnie nie pierakryli.