Anatol Kotaŭ, byłaja pravaja ruka Paŭła Łatuški, prylacieŭ u Stambuł, adtul vylecieŭ u Trabzon, port na Čornym mory, i pakinuŭ Turcyju marskim šlacham.
Były biełaruski čynoŭnik Anatol Kotaŭ prybyŭ u aeraport Stambuła z Varšavy ŭ 13:49 21 žniŭnia i ŭ toj ža dzień vylecieŭ u turecki horad Trabzon i pakinuŭ krainu praz marski pahraničny pierachod Trabzon rejsam u 18:35, paviedamlaje tureckaje infarmahienctva IHA biez spasyłak na krynicy hetaj infarmacyi, piša DW Biełaruś.
Mižnarodnych pasažyrskich paromaŭ z Trabzona niama — ni ŭ bok rasijskaha Sočy, ni ŭ Hruziju, ni ŭ Bałharyju. Adnak možna płyć u lubym kirunku na pryvatnaj jachcie.
Raniej paviedamlałasia, što Kotaŭ vylecieŭ z Varšavy ŭ Stambuł pa asabistych pytańniach, byŭ na suviazi z rodnymi i kalehami, a paśla 21:30 pa polskim časie pierastaŭ vychodzić na suviaź.
Kamientary
I №1, i №2 - na terytoryi RB.