Niezvyčajny art-abjekt u styli stympank adpravicca ź Biełarusi na rasijski paŭnočny paŭvostraŭ Jamał. Pra heta raskazaŭ mastak pa mietale i aŭtar prajekta ź Dziaržynskaha rajona Uładzimir Kanonik, piša BiełTA.
Stalovuju skulpturu ŭ vyhladzie miadźviedzia vyrabili na zakaz dla adnaho z pradpryjemstvaŭ u horadzie Hubkinski na rasijskim Jamale. Pavodle słoŭ mastaka, vobraz miadźviedzia abrali nievypadkova, bo Jamał asacyjujecca z surovym paŭnočnym krajem.
Na stvareńnie skulptury spatrebiłasia kala dvuch miesiacaŭ i bolš za tysiaču asobnych detalaŭ, jakija sabrali ŭ adnu kampazicyju. Miadźviedź maje vyšyniu 2,4 mietra i važyć prykładna dźvie tony.
Uładzimir Kanonik adznačyŭ, što kožny taki prajekt źjaŭlajecca ŭnikalnym. Jaho majsternia ciapier taksama pracuje nad art-abjektam dla Lachavičaŭ, dzie płanujecca adkryćcio novaj aŭtazapraŭki. Skulptura budzie źviazanaja sa 100‑hodździem pieršaj aŭtazapravačnaj stancyi, jakoj vałodali braty Nobieli.
Usiaho ŭ roznych rehijonach Biełarusi ŭžo ŭstanoŭlena bolš za 100 art-abjektaŭ majsterni. Pry stvareńni kožnaha ź ich aŭtary imknucca źviazać skulpturu z kankretnym miescam, jaho historyjaj, viadomymi asobami abo miascovymi tradycyjami.
Važnaj častkaj pracy źjaŭlajecca pošuk materyjałaŭ. Dla stvareńnia skulptur mastaki vykarystoŭvajuć staryja aŭtamabilnyja detali. Niekatoryja aŭtamajsterni, jakim padabajecca tvorčaść majstroŭ, pieradajuć im niepatrebnyja zapčastki. Takim čynam, staryja aŭtadetali atrymlivajuć druhoje žyćcio i pieratvarajucca ŭ elemienty mastackich kampazicyj.
U majsterni pracujuć try mastaki, skulptar pa drevie i žyvapisiec, a praktyčnuju častku pracy vykonvajuć zvarščyki. Uvieś praces adbyvajecca pad kiraŭnictvam aŭtara prajekta, jaki asablivuju ŭvahu nadaje estetyčnamu vyhladu hatovych art-abjektaŭ.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary