«Ja adstajaŭ 70 chvilin». Minčuki pryjšli na stadyjon «Dynama» hladzieć Lihu čempijonaŭ — mnohija zastalisia hałodnyja i bieź piva
Mnohija zastalisia zadavolenyja atmaśfieraj. Ale nie tyja, chto chacieŭ pajeści i vypić.
30 maja prachodziŭ finał Lihi čempijonaŭ. U Minsku ładzili tranślacyju ŭ niekalkich miescach, u tym liku na stadyjonie «Dynama». Tam pahladzieć matč pamiž francuzskim «Pary Sien-Žermien» i anhlijskim «Arsienałam» sabrałasia 10 800 čałaviek.
Arhanizatary raźličvali, što pryjdzie jašče bolej, ale pieraškodziŭ doždž.
Hledačy raźmiaścilisia ŭ kresłach-miaškach i na pledach na poli areny. Mnohija zastalisia zadavolenyja atmaśfieraj. Ale nie tyja, chto chacieŭ pajeści i vypić.
Hledačy apisvajuć: na 11 tysiač čałaviek było tolki 7 ci 8 pałatak, dzie pradavali ježu.
«Heta poŭny treš, arhanizacyja na nulavym uzroŭni, my adstajali ŭ čarzie z 18:30 da 19:50, i prosta syšli bieź ježy i napojaŭ, tamu što čarha nie ruchałasia», — skardzilisia ŭ sacsietkach.
«Stali a 18.30 u čarhu, da 80‑j chviliny ŭziali piva», — pišuć inšyja.
«Ja adstajaŭ 70 chvilin. Kali da kijoska było čałaviek 10, tam pradavali tolki vadu i harbatu».
«My ŭ vyniku psichanuli paśla 20 chvilin, dačakalisia kanca pieršaha tajma i syšli tudy, dzie kormiać».
«U padtrybuncy 50 chvilin, tolki pa piva. Pa ježu nie viedaju, kolki treba było stajać. Kožny raz takoje».
«Ja paškadavaŭ, što nie pajšli ŭ «Lidbir dvor» z [kamientataram] Navickim».
Inšyja ž padzialilisia, što zmahli pranieści termasy z harbataj i piečyva z saboj.
Łukašenka niervova prakamientavaŭ vizit Cichanoŭskaj u Kijeŭ45
Kamientary
Treba zadanacić mužykam, trapiŭšym va ŭraźlivaje stanovišča.