Ministr abarony ZŠA Pit Chiehset zajaviŭ, što Złučanyja Štaty imknucca dapamahčy Ukrainie abaraniacca ad rasijskich pahroz i znojduć sposab akazvać joj padtrymku. Pra heta jon skazaŭ na palach Azijackaha samitu pa pytańniach biaśpieki ŭ Sinhapury, piša «Jeŭrapiejskaja praŭda».
Žurnalisty spytali šefa Pientahona pra niadaŭni list prezidenta Ukrainy Uładzimira Zielenskaha adnosna niastačy srodkaŭ supraćpavietranaj abarony na fonie ŭzmacnieńnia rasijskich atak.
Na heta Chiehset adkazaŭ, što ZŠA šukajuć mahčymaści dapamahčy Ukrainie tam, dzie heta mahčyma.
«My źmianiajem sposab vytvorčaści ŭsich hetych vidaŭ važnaj amunicyi, kab harantavać, što našy kampanii pastaŭlajuć nie prosta trochi bolš, a značna bolš va ŭsim śpiektry. Dzie my možam dapamahčy Ukrainie — my heta robim, dzie my možam dać mahčymaść Jeŭropie zrabić bolš — my heta robim», — adkazaŭ čynoŭnik.
Jon taksama adznačyŭ aktyŭnaść jeŭrapiejskich sajuźnikaŭ, jakija ŭzmacnili svaju padtrymku Ukrainy.
«Mianie natchniaje jeŭrapiejskaja addanaść spravie. Kali pahladzieć na sumu vydatkavanych srodkaŭ, to Jeŭropa aktyvizavałasia, a Ukraina była nie mienš, a to i bolš efiektyŭnaj u hetym pracesie. Tamu my chočam, kab jany mahli abaraniacca, i my znojdziem sposab zabiaśpiečyć im dapamohu», — zajaviŭ Chiehset.
Raniej u liście da prezidenta ZŠA Donalda Trampa i amierykanskich kanhresmienaŭ Uładzimir Zielenski zajaviŭ, što Ukraina «spadziajecca amal vyklučna na ZŠA» ŭ pytańni abarony ad rasijskich balistyčnych rakiet.
Jon taksama prainfarmavaŭ, što ŭ chodzie masavanaj ataki 24 maja Rasija prymianiła dźvie balistyčnyja rakiety siaredniaj dalokaści «Arešnik».
Sienatar ad Demakratyčnaj partyi Ryčard Blumiental paśla taho zajaviŭ, što ZŠA adreahujuć na list prezidenta Ukrainy, u jakim havaryłasia pra deficyt srodkaŭ SPA.
Zialenski źviarnuŭsia da Trampa i Kanhresa z admysłovym listom: rakiety dla «Petryat» vyčarpalisia
Ukraina pieršaj u śviecie zapuściła «pryvatnuju SPA»: chto jaje prydumaŭ, chto ŭdzielničaje i ci efiektyŭna heta
Tusk zaklikaŭ jeŭrapiejcaŭ surjozna pastavicca da ŭčorašnich pahroz Miadźviedzieva
Kit Kiełah: Kali Łukašenka ŭstupić u vajnu z Ukrainaj — heta budzie jaho kaniec
Kamientary