Міністр абароны ЗША Піт Хегсэт заявіў, што Злучаныя Штаты імкнуцца дапамагчы Украіне абараняцца ад расійскіх пагроз і знойдуць спосаб аказваць ёй падтрымку. Пра гэта ён сказаў на палях Азіяцкага саміту па пытаннях бяспекі ў Сінгапуры, піша «Еўрапейская праўда».
Журналісты спыталі шэфа Пентагона пра нядаўні ліст прэзідэнта Украіны Уладзіміра Зеленскага адносна нястачы сродкаў супрацьпаветранай абароны на фоне ўзмацнення расійскіх атак.
На гэта Хегсэт адказаў, што ЗША шукаюць магчымасці дапамагчы Украіне там, дзе гэта магчыма.
«Мы змяняем спосаб вытворчасці ўсіх гэтых відаў важнай амуніцыі, каб гарантаваць, што нашы кампаніі пастаўляюць не проста трохі больш, а значна больш ва ўсім спектры. Дзе мы можам дапамагчы Украіне — мы гэта робім, дзе мы можам даць магчымасць Еўропе зрабіць больш — мы гэта робім», — адказаў чыноўнік.
Ён таксама адзначыў актыўнасць еўрапейскіх саюзнікаў, якія ўзмацнілі сваю падтрымку Украіны.
«Мяне натхняе еўрапейская адданасць справе. Калі паглядзець на суму выдаткаваных сродкаў, то Еўропа актывізавалася, а Украіна была не менш, а то і больш эфектыўнай у гэтым працэсе. Таму мы хочам, каб яны маглі абараняцца, і мы знойдзем спосаб забяспечыць ім дапамогу», — заявіў Хегсэт.
Раней у лісце да прэзідэнта ЗША Дональда Трампа і амерыканскіх кангрэсменаў Уладзімір Зеленскі заявіў, што Украіна «спадзяецца амаль выключна на ЗША» ў пытанні абароны ад расійскіх балістычных ракет.
Ён таксама праінфармаваў, што ў ходзе масаванай атакі 24 мая Расія прымяніла дзве балістычныя ракеты сярэдняй далёкасці «Арэшнік».
Сенатар ад Дэмакратычнай партыі Рычард Блюменталь пасля таго заявіў, што ЗША адрэагуюць на ліст прэзідэнта Украіны, у якім гаварылася пра дэфіцыт сродкаў СПА.
Зяленскі звярнуўся да Трампа і Кангрэса з адмысловым лістом: ракеты для «Пэтрыат» вычарпаліся
Украіна першай у свеце запусціла «прыватную СПА»: хто яе прыдумаў, хто ўдзельнічае і ці эфектыўна гэта
Туск заклікаў еўрапейцаў сур'ёзна паставіцца да ўчорашніх пагроз Мядзведзева
Кіт Келаг: Калі Лукашэнка ўступіць у вайну з Украінай — гэта будзе яго канец
Цяпер чытаюць
Латвія «па тэхнічных прычынах» закрыла мяжу з Беларуссю8
Каментары