Кіт Келаг: Калі Лукашэнка ўступіць у вайну з Украінай — гэта будзе яго канец
Выступаючы на Чарнаморскім форуме па бяспецы ў Адэсе, колішні спецпасланнік прэзідэнта ЗША ва Украіне генерал Кіт Келаг адзначыў, што для Лукашэнкі дазвол на маштабную атаку з тэрыторыі Беларусі стаў бы «неразумным рашэннем» і мог бы мець сур'ёзныя наступствы для яго ўлады.
«Калі Лукашэнка нешта такое зробіць, гэта будзе канец Лукашэнкі, якім мы яго ведаем, таму што ён не можа спаборнічаць з арміяй Украіны», — заявіў Келаг.
У той жа час генерал адзначыў, што на гэты момант ён не бачыць прыкмет гатоўнасці Мінска да такога сцэнарыя.
Акрамя таго, Кіт Келаг вельмі пазітыўна выказаўся пра ўкраінскую армію і дзяржаву:
«Калі мы глядзім на тое, што робіць Украіна на ўзроўні арміі — гэта самая моцная армія ў Еўропе, адна з самых моцных у свеце адпаведна з вопытам і выкарыстаннем тэхналогій».
Паводле яго слоў, еўрапейскія краіны ўсё больш усведамляюць ролю Украіны ў будучай сістэме бяспекі кантынента.
«Украіна ў будучыні будзе вельмі моцнай дзяржавай і важным гульцом на еўрапейскай арэне», — падкрэсліў генерал.
Келаг таксама адзначыў, што ў ЗША бачаць патэнцыял Украіны як будучага еўрапейскага лідара.
Дарадца Мінабароны Украіны: Глабальнае ўварванне фармату 2022 года ўжо не паўторыцца
«Першыя 500 цэляў ужо на алоўку». Камандуючы Сіламі беспілотных сістэм УСУ папярэдзіў Лукашэнку
УСУ: Украінска-беларускую мяжу ператварылі ў непрыступную крэпасць ФОТЫ
Зяленскі: Масква спрабуе ўцягнуць Мінск у вайну супраць Украіны альбо аперацыю супраць краіны НАТА
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары