Урад зацвердзіў парадак надання растэрміноўкі аплаты за легалізацыю самавольна занятых зямельных участкаў. Адпаведную пастанову падпісаў прэм'ер-міністр Аляксандр Турчын.
Растэрміноўку змогуць атрымаць людзі, у дачыненні да якіх разглядаецца пытанне аб легалізацыі самавольна занятага зямельнага ўчастка. Для гэтага неабходна падаць заяву ў мясцовы выканаўчы камітэт. Яе можна падаць асобна ад заявы аб наданні самавольна занятага ўчастка, але зрабіць гэта трэба да прыняцця рашэння аб яго легалізацыі.
Пры гэтым частку аплаты за права легалізацыі неабходна будзе ўнесці адразу. Яе памер вызначае выканкам, але ён не можа быць меншым за 25% ад агульнай сумы аплаты за права легалізацыі.
Максімальны тэрмін растэрміноўкі складае пяць гадоў.
Выканкамы таксама могуць вызначыць мінімальную суму аплаты за легалізацыю, пры якой растэрміноўка не даецца. Акрамя таго, у ёй могуць адмовіць, калі ў пададзеных дакументах будуць недакладныя звесткі або калі чалавек раней неналежным чынам выконваў абавязацельствы па аплаце зямельных участкаў, атрыманых у растэрміноўку.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары