Зяленскі звярнуўся да Трампа і Кангрэса з адмысловым лістом: ракеты для «Пэтрыат» вычарпаліся
Прэзідэнт Украіны Уладзімір Зяленскі накіраваў ліст прэзідэнту ЗША Дональду Трампу, у якім паведаміў пра ўсё большую праблему з недахопам сродкаў супрацьпаветранай абароны ва Украіне, асабліва тых, што могуць перахопліваць балістычныя ракеты, піша «Еўрапейская праўда».
У лісце Уладзімір Зяленскі адзначыў, што Украіна ў значнай ступені залежыць ад падтрымкі ЗША ў абароне сваёй паветранай прасторы. Таксама Зяленскі выказаў занепакоенасць тым, што цяперашнія пастаўкі ўзбраенняў ужо не адпавядаюць узроўню пагрозы, і папрасіў дапамогі ў іх павелічэнні.
Ён звярнуўся з просьбай працягваць падтрымку з боку амерыканскага кіраўніцтва і Кангрэса, у тым ліку пастаўляць ракеты і сістэмы тыпу Patriot, каб эфектыўна супрацьстаяць расійскім ракетным ударам. Прэзідэнт Украіны падкрэсліў, што большасць ракет можна перахапіць пры дастатковай колькасці сродкаў СПА.
Па словах украінскіх чыноўнікаў, існуе рызыка, што наяўных запасаў супрацьракетных сістэм можа не хапіць для адбіцця масіраваных атак. Ліст быў таксама перададзены прадстаўнікам амерыканскіх уладаў.
На гэтым фоне працягваюцца расійскія ракетныя ўдары па Украіне, у тым ліку па Кіеве, што прыводзіць да ахвяр і разбурэнняў. Украінскія ўлады лічаць, што пагрозы з боку Расіі накіраваныя на запалохванне, але не чакаюць, што гэта паўплывае на падтрымку з боку Захаду.
Мерц прызнаўся, што няма сэнсу спрачацца з Трампам
Як будуць развівацца падзеі, калі Масква зноў, як і ў 2022, пачне наносіць удары па Кіеве з тэрыторыі Беларусі? Магчымыя сцэнары
Ціханоўская: «Для мяне не стаіць пытанне, ці пераможа Украіна. Адзінае пытанне — калі»
Прэзідэнт Фінляндыі заявіў, што гатовы стаць прадстаўніком ЕС на мірных перамовах з Расіяй
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Маю на ўвазе намёкі, што пойдзе вайной на Беларусь.
Трамп можа адмовіць у пастаўках зброі, каб Зяленскі не меў рэсурсаў адчыніць паўночны фронт. Для Украіны адкрыццё паўночнага фронту стане катастрофай. Бо па-першае, будуць адцягнутыя сілы ЗСУ з поўдня (дзе яны зараз больш за ўсё патрэбныя). А па-другое, у Беларусь зойдзе расейскае войска, якое будзе ваяваць з расейскім замест беларускага (Зяленскі жа думае, што беларускае будзе ваяваць). Для расейскага войска гэта зручна, бо тады яно можа паўтарыць не толькі паход на Кіеў, але можа пайсці і на заходнія вобласці Украіны. Такім чынам Расея перарэжа Украіну напапалам, зробіць немагчымым пастаўкі заходняй зброі і да восені - зімы зробіць у Кіеве тое ж самае, што было гэтай зімой, але яшчэ горш (без вады, света, сувязі, электраэнергіі, каналізацыі) - гуманітарную катастрофу для кіеўлян. (Кіеў - 3-мільённы горад).