Прэзідэнт Фінляндыі заявіў, што гатовы стаць прадстаўніком ЕС на мірных перамовах з Расіяй
Разам з тым Аляксандр Стуб падкрэсліў, што весці такія перамовы ён гатовы толькі пасля таго, як Расія пагодзіцца на перамір’е.
Прэзідэнт Фінляндыі Аляксандр Стуб заявіў у нядзелю пра сваю гатоўнасць стаць прадстаўніком еўрапейцаў на патэнцыйных мірных перамовах з Расіяй, піша «Украінская праўда».
«Калі мяне спытаюць (пра гатоўнасць стаць перамоўшчыкам), то гэта, напэўна, тое пытанне, на якое нельга адказаць адмоўна».
Разам з тым Аляксандр Стуб падкрэсліў, што весці такія перамовы ён гатовы толькі пасля таго, як Расія пагодзіцца на перамір’е.
Уладзімір Зяленскі ў маі заявіў, што Еўропа павінна мець уласнага прадстаўніка на мірных перамовах з Расіяй. Фінскі прэзідэнт адзначыў, што гатовы выканаць такую ролю, калі яго папросяць.
Раней СМІ паведамлялі, што ў Еўрасаюзе разглядаюць кандыдатуры былой канцлеркі Германіі Ангелы Меркель, былога прэм’ер-міністра Італіі Марыа Драгі і Аляксандра Стуба на ролю перамоўшчыка ад ЕС.
Цяпер чытаюць
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы5252
Каментары