Ci praŭda, što za kvietniki kala padjezda ciapier buduć štrafavać?
Ministr žyllova-kamunalnaj haspadarki Hienadź Trubiła abvierh čutki pra toje, što ŭ Biełarusi nibyta zabaranili rabić kvietniki kala šmatkvaternych damoŭ. Pa jaho słovach, takaja infarmacyja nie adpaviadaje rečaisnaści.
Naadvarot, jak śćviardžaje ministr, ułady padtrymlivajuć ludziej, jakija samastojna ŭpryhožvajuć dvarovyja terytoryi. Adznačajecca, što ŭžo kala 7—8 tysiač dvaroŭ byli ŭparadkavanyja mienavita namahańniami žycharoŭ.
Nijakich štrafaŭ za stvareńnie kvietnikaŭ nie praduhledžana, bo heta ličycca stanoŭčaj inicyjatyvaj, jakaja robić dvor bolš utulnym i pryhožym.
Razam z tym jość peŭnyja praviły, jakich treba prytrymlivacca. Kab aficyjna zrabić kvietnik, rekamiendujecca źviarnucca ŭ miascovuju słužbu ŽKH i ŭzhadnić svaje płany, lepš navat z prykładnaj schiemaj pasadak. Heta nieabchodna dla biaśpieki, bo pad ziamloj mohuć prachodzić inžyniernyja kamunikacyi, i śpiecyjalisty pavinny pravieryć heta pierad pačatkam rabot.
Taksama varta pamiatać, što dahladać raśliny pavinny sami žychary, jakija ich pasadzili. Akramia taho, zabaraniajecca vykarystoŭvać u kvietnikach samarobnyja dekaracyi, naprykład, z aŭtamabilnych šyn abo płastykavych butelek, a taksama vysadžvać invazijnyja raśliny i aharodninu.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary