U Astanie 29 maja žurnalisty spytali Alaksandra Łukašenku nakont zajaŭ prezidenta Ukrainy Uładzimira Zialenskaha ŭ bok Biełarusi. Kamientujučy heta, Łukašenka zaŭvažyŭ i vizit pradstaŭnikoŭ biełaruskich demakratyčnych sił na čale sa Śviatłanaj Cichanoŭskaj u Kijeŭ. Słovy Łukašenki na hety kont jaho pres-słužba apublikavała z zatrymkaj u dvoje sutak.
— Našych «cichušak-łachušak», kažuć, zaprasiŭ [Uładzimir Zialenski] i inšaje. Ja rady, što jon ich zaprasiŭ, — skazaŭ Łukašenka.
Pavodle jaho słoŭ, jon hladzieŭ infarmacyju pra vizit demakratyčnych sił va Ukrainu pa rasijskim prapahandysckim telebačańni.
— I dziakuj rasijanam, jakija heta zaŭvažyli — televizijonščyki, ja čuŭ na RTR hetuju pieradaču. Dobra, što jany pahladzieli na našuju tak zvanuju apazicyju, — skazaŭ jon i nie daŭ rady niervam. —
Nijakaja heta nie apazicyja. Heta bandyty. I jany raźličvajuć, što tam jany padrychtujuć bajevikoŭ ź liku biełarusaŭ, ukraincaŭ, palakaŭ i jašče litoŭcaŭ, i jany rušać i zachopiać niejki rajonny centr [na terytoryi Biełarusi].
Łukašenka pryhraziŭ na hety kont: «Nie daj boh ź niejkaj terytoryi budzie ažyćcioŭlena vajennaja ataka na terytoryju Biełarusi — vajna atrymaje zusim inšuju jakaść va Ukrainie. Nie budu kankretyzavać, sam razumieješ (źviartajučysia da žurnalista. — NN), pra što ja».
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary