Źnikły tydzień tamu biełaruski apazicyjny aktyvist Anatol Kotaŭ papłyŭ z Trabzona na pryvatnaj jachcie ŭ Sočy, paviedamiła krynica stambulskaha biuro Deutsche Welle ŭ trabzonskaj palicyi.
Surazmoŭca DW paćvierdziŭ, što Kotaŭ pakinuŭ Trabzon 21 žniŭnia, heta značyć u dzień svajho prylotu ŭ Turcyju, i adpraviŭsia ŭ Sočy na pryvatnaj jachcie.
Ni ŭ Kotava, ni ŭ ludziej, jakija supravadžali jaho, nie było nijakich jurydyčnych prablem, naprykład, pytańniaŭ z dakumientami, «ništo nie vyhladała padazronym», udakładniła krynica DW, tamu ŭ tureckaj palicyi niama pryčyn dla rasśledavańnia.
Kolki było ludziej, jakija supravadžali Kotava, i chto jany, jon udakładnić nie zmoh. Pavodle niepaćvierdžanych źviestak, jachta ŭžo čakała Kotava, kali jon prybyŭ sa Stambuła ŭ Trabzon.
Jak raniej daviedałasia DW, z porta Trabzon niama rehularnych paromnych znosin. Adtul vychodziać hruzavyja i rybałoŭnyja sudny, kruiznyja karabli i pryvatnyja łodki.
45-hadovy Anatol Kotaŭ, były biełaruski čynoŭnik, prylacieŭ 21 žniŭnia ranicaj u Stambuł, u 12:26 pavodle polskaha času napisaŭ žoncy i pierastaŭ vychodzić na suviaź u 21:28. Z tych časoŭ pra jaho ničoha nie viadoma. Svajaki padavali zajavu ab źniknieńni ŭ palicyju Turcyi.
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia
Palicyja Stambuła patłumačyła, čamu pakul nie šukaje Kotava
Michalevič: Całkam vierahodna, što Kotava vyvieźli z Turcyi ŭ bahažniku
Źnikły Kotaŭ vyjechaŭ z Turcyi moram — mahčyma, u bok Rasii
Kiejs Kotava znoŭ aktualizavaŭ pytańnie, kudy niebiaśpiečna jechać biełarusam, jakija aścierahajucca pieraśledu
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary