Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy
Jak stała viadoma «Našaj Nivie», źnikły ŭ Turcyi Anatol Kotaŭ paśla emihracyi byvaŭ u Turcyi i viartaŭsia biez prablem.
Pajezdki byli ŭ 2025 hodzie.
«Pa linii rabotnika ivent-industryi Kotaŭ jeździŭ u Turcyju. Heta tannaja ciopłaja kraina, kudy zručna zvozić rabotnikaŭ kampanij pa Jeŭropie. Inšymi słovami, papularnaja dla karparatyvaŭ. I tudy lohka i biaźvizava dabiracca rabotnikam z Rasii ci Biełarusi, kali takija jość. Kotaŭ arhanizoŭvaŭ tam mierapryjemstvy, časam jaho paznavali», — skazaŭ «Našaj Nivie» infarmavany surazmoŭca.
Anatol Kotaŭ pierastaŭ vychodzić na suviaź u čaćvier, 21 žniŭnia. Z Turcyi jon nie viarnuŭsia ŭ Polšču samalotam u niadzielu, 24 žniŭnia, jak toje było zapłanavana.
Siabry Kotava ŭžo padali zajavu ab źniknieńni čałavieka ŭ polskija i tureckija orhany.
Kotaŭ — były biełaruski čynoŭnik siaredniaj ruki. Pa stanie na 2020 hod jon byŭ namieśnikam načalnika adnaho z adździełaŭ u Kiraŭnictvie spraŭ Łukašenki. Nie pahadziŭšysia z palitykaj Łukašenki, jon zvolniŭsia adtul i vyjechaŭ u Polšču. Z Paŭłam Łatuškam, ź jakim jany byli raniej znajomy, Kotaŭ staŭ pracavać u NAU. Ale paśla razyšlisia.
Kotaŭ ža ŭ 2021-m znajšoŭ novych sajuźnikaŭ i staŭ adnym z arhanizataraŭ Foruma demakratyčnych sił — razam z Valeryjem Capkałam, Volhaj Karač i inšymi dziejačami.
U Varšavie Kotaŭ pracuje ŭ ivent-ahienctvie Terra Group.
U Biełarusi jon zavočna asudžany da 12 hadoŭ.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary