Сёння было знойдзена цела хлопчыка, што знік у мінулую суботу ў Бярэзінскім раёне. Яно было за некалькі кіламетраў ад ровара.
Сёння раней за кіламетр-паўтара ад вёскі Карбаўское быў знойдзены ровар хлопчыка і таксама след яго бота.
Максім знік у суботу, 8 лістапада ў вёсцы Карбаўское, куды прыехаў з бацькамі на вялікія выходныя. Мама і дзядуля ў суботу паехалі на пошту, а калі вярнуліся, то пабачылі, што хлопчык знік разам з роварам, паехаўшы з вёскі.
Сітуацыя ў пошуку ўскладнялася тым, што дзіця мае аўтызм, складана ішло на кантакт і магло не рэагаваць на крыкі ратавальнікаў і валанцёраў.
У пошуках бралі ўдзел некалькі сотняў чалавек.
Міліцыя разглядала некалькі версій: падлетак мог стаць ахвярай выкрадання, мог трапіць у дарожна-транспартнае здарэнне, мог заблукаць і не можа паведаміць пра сябе.
У міліцыі пацвердзілі гібель хлопчыка. Цела падлетка выяўлена без бачных прыкмет гвалтоўнай смерці.
Па стане на раніцу 13 лістапада абследавана 60 квадратных кіламетраў тэрыторыі, больш за 70 населеных пунктаў і больш за 10 км ракі.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары
Цікава, туды вырашылі цяпер прайсці проста на ўсякі выпадак, ці туды ў першы ж дзень хадзілі і не заўважылі?