Пятрухін прызнаў, што 17-гадовага выкрывацеля Лібера выкарысталі спецслужбы. Але ёсць нюанс
Аналізуючы сітуацыю з фэйкавымі абвінавачваннямі ў бок Паўла Лібера, якія з падачы непаўналетняга хлопца распаўсюджваў сам Пятрухін, блогер перадусім бачыць віну «Белпола».
Блогер Сяргей Пятрухін падчас выступу на Сходзе неабыякавых у Варшаве закрануў кейс 17-гадовага стартапера Аляксея Бурбіцкага.
Пятрухін прызнаў, што юнак быў выкарыстаны спецслужбамі.
Нагадаем, у маі 2025 года Сяргей Пятрухін раскручваў тэму нібыта ўзлому базы «Новай Беларусі». Гэту інфармацыю яму даў 17-гадовы стартапер Аляксей Бурбіцкі. Хлопец даводзіў, што працаваў у камандзе «Новай Беларусі», і расказваў, што калі стваральнік праекта Павел Лібер даведаўся пра гэты ўзлом, то нібыта загадаў усім маўчаць.
Пасля выявілася, што Бурбіцкі не працаваў у Лібера, дый узлому базы карыстальнікаў не было — спецслужбы сабралі адкрытыя звесткі пра беларускія бізнэсы, якія адкрыліся ў эміграцыі, і тэрарызуюць прадпрымальнікаў.
На абарону Бурбіцкага кінулася прапаганда, на дзяржаўных тэлеканалах паказалі фільм пра «Новую Беларусь», у якім згадвалі і Пятрухіна.
У сваім выступе на Сходзе неабыякавых Пятрухін згадаў кейс Бурбіцкага. Але загаварыў не на тэму сваёй адказнасці за публікацыю фэйкаў, а прывёў гэту гісторыю ў якасці прыкладу неэфектыўнай, на яго думку, працы «Белпола».
«Замест працы па дэаноне бацькоў непаўналетняга юнака, які быў выкарыстаны спецслужбамі, «Белполу» можа, [варта] было заняцца чымсьці рэальна дзейсным у дадзены момант?» — заявіў блогер.
17-гадовы стартапер заявіў, што базу карыстальнікаў «Новай Беларусі» ўзламалі. Лібер адказвае: абвінавачванне абсурднае
Што за 17-гадовы стартапер, які выліў цэбар хлусні на Лібера на радасць беларускім спецслужбам
17-гадовы стартапер Бурбіцкі намякае, што Лібер прабраўся да яго ў кватэру і раскідаў рэчы
Дзядок расказаў, як паводзіў бы сябе ў сённяшняй Беларусі і што будзе далей5
Каментары
Прызначыць Пятрухіна на пасаду прэс-сакратара Сходу Нягеглікаў!
а ў Пятрухіна ва ўсім вінаваты Белпол