Сёння ў маскоўскім заапарку пры кармленні змей загінуў заатэхнік — 35-гадовы беларус Сяргей Якунін. Раніцай ён карміў змей, адна з іх укусіла яго за палец. Адразу выклікалі хуткую дапамогу, але выратаваць супрацоўніка не ўдалося.
Як стала вядома «Маскоўскаму камсамольцу», Якунін родам з Беларусі. Ён скончыў зааінжынерны факультэт Беларускай дзяржаўнай сельскагаспадарчай акадэміі. Мужчына вучыўся на кафедры ветэрынарыі і біятэхналогіі.
У адкрытых крыніцах гаворыцца, што родны горад Якуніна — Рагачоў, а нарадзіўся ён у год Змяі па кітайскім календары.
Як піша «База», змяя ўкусіла мужчыну, як толькі ён адчыніў дзверцы тэрарыума, каб яе пакарміць. У мужчыны былі шанцы выжыць, калі б не вострая алергічная рэакцыя.
Калегі адразу выклікалі хуткую, але мужчына памёр літаральна праз 5 хвілін ад анафілактычнага шоку да прыезду медыкаў.
Змяя, якая ўкусіла Якуніна, — адна з 30 ядавітых змей, нядаўна дастаўленых у Маскоўскі заапарк з Паўднёвай Афрыкі. Сярод іх — каралавы аспід, які лічыцца смяротна небяспечным.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам14
Каментары