«Злегла з жудасным болем у жываце, ванітамі і дыярэяй», — сцвярджае адна з наведвальніц.
Як піша тэлеграм-канал «#1регион», пасля наведванне брэсцкага кафэ ў 19 гасцей зарэгістравалі гастраэнтэрыт меркавана інфекцыйнага паходжання. Усе наведвальнікі заказвалі сэт з чатырох страў.
З гэтых 19 гасцей 12 цяпер ляжаць у Брэсцкай абласной клінічнай бальніцы, астатнія назіраюцца ў паліклініках.
У кафэ цяпер праходзіць праверка, яго праца прыпынена.
У допісе ўстанова не называецца, але размова найхутчэй ідзе пра брэсцкае кафэ Le’Mar. З 18 красавіка па 5 мая там праходзіў гастрафэст, прапаноўвалі пакаштаваць кухню Каліфорніі. У сэце быў тартар з філе дарада, ялавічына ў глазуры, індычка ў вугальным рамене і на дэсерт мус з белага шакалада і белых грыбоў. Каштаваў сэт 38 рублёў.
Адзін з наведвальнікаў, які піша, што цяпер у бальніцы, хадзіў на гастрафэст з дзяўчынай 3 мая:
«Я ляжу ў бальніцы, праапераваны з-за падазрэння на апендыцыт, таму што ўчора я адчуваў такі моцны боль, што лекары вырашылі дзейнічаць. Я не мог і падумаць, што рэч у атручванні. Пакуль я быў на аперацыйным стале, у маёй дзяўчыны таксама паднялася тэмпература. Да гэтага былі моманты дрэннага самаадчування, але яна думала, што гэта праз перажыванні і ранішні спорт. У абед 4-га мая Насця выклікала мне хуткую, а 22:30 мяне ўжо аперавалі».
Іншая госця пакінула такі каментар у інстаграме кафэ:
«Наведалі кафэ сям'ёй 03.05. Узялі 3 сэты на чацвярых, да абеду 04.05 дзеці і я злеглі з тэмпературай 39, з жудасным болем у жываце, ванітамі і дыярэяй, 05.05 шпіталізавалі ў інфекцыйнае аддзяленне, праз тры дні тэмпература адпусціла, але ўсе астатнія сімптомы захоўваюцца».
«Схадзілі з сястрой у пятніцу, з суботы пачаўся атракцыён «дабегчы да ўнітаза». Тэмпература 38.5 і не спадае. Жывот баліць», — дзеляцца іншыя.
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія8
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары
https://d2accbiqacj5y8.cloudfront.net/342312