«Źlehła z žudasnym bolem u žyvacie, vanitami i dyjarejaj», — śćviardžaje adna z naviedvalnic.
Jak piša telehram-kanał «#1riehion», paśla naviedvańnie bresckaha kafe ŭ 19 haściej zarehistravali hastraenteryt mierkavana infiekcyjnaha pachodžańnia. Usie naviedvalniki zakazvali set z čatyroch straŭ.
Z hetych 19 haściej 12 ciapier lažać u Bresckaj abłasnoj kliničnaj balnicy, astatnija nazirajucca ŭ paliklinikach.
U kafe ciapier prachodzić pravierka, jaho praca prypyniena.
U dopisie ŭstanova nie nazyvajecca, ale razmova najchutčej idzie pra bresckaje kafe Le'Mar. Z 18 krasavika pa 5 maja tam prachodziŭ hastrafest, prapanoŭvali pakaštavać kuchniu Kalifornii. U secie byŭ tartar ź file darada, jałavičyna ŭ hłazury, indyčka ŭ vuhalnym ramienie i na desiert mus ź biełaha šakałada i biełych hryboŭ. Kaštavaŭ set 38 rubloŭ.
Adzin z naviedvalnikaŭ, jaki piša, što ciapier u balnicy, chadziŭ na hastrafest ź dziaŭčynaj 3 maja:
«Ja lažu ŭ balnicy, praapieravany z-za padazreńnia na apiendycyt, tamu što ŭčora ja adčuvaŭ taki mocny bol, što lekary vyrašyli dziejničać. Ja nie moh i padumać, što reč u atručvańni. Pakul ja byŭ na apieracyjnym stale, u majoj dziaŭčyny taksama padniałasia tempieratura. Da hetaha byli momanty drennaha samaadčuvańnia, ale jana dumała, što heta praź pieražyvańni i ranišni sport. U abied 4-ha maja Naścia vyklikała mnie chutkuju, a 22:30 mianie ŭžo apieravali».
Inšaja hościa pakinuła taki kamientar u instahramie kafe:
«Naviedali kafe siamjoj 03.05. Uziali 3 sety na čaćviarych, da abiedu 04.05 dzieci i ja źlehli z tempieraturaj 39, z žudasnym bolem u žyvacie, vanitami i dyjarejaj, 05.05 špitalizavali ŭ infiekcyjnaje adździaleńnie, praz try dni tempieratura adpuściła, ale ŭsie astatnija simptomy zachoŭvajucca».
«Schadzili ź siastroj u piatnicu, z suboty pačaŭsia atrakcyjon «dabiehčy da ŭnitaza». Tempieratura 38.5 i nie spadaje. Žyvot balić», — dzielacca inšyja.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam25
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
https://d2accbiqacj5y8.cloudfront.net/342312