Стала вядома аб смерці ў Беларусі яшчэ адной грамадзянкі Украіны, якую расейцы прымусова вывезлі з-пад Кіева
Грамадзянка Украіны памерла ў доме-інтэрнаце для састарэлых у Беларусі праз тры месяцы пасля прымусовай дэпартацыі расейскімі вайскоўцамі з Кіеўскай вобласці ў Беларусь.
Украінку, якой было 96 гадоў, расейцы прымусова вывезлі ў Беларусь у сакавіку 2022 году з горада Барадзянка Бучанскага раёна Кіеўскай вобласці.
Як стала вядома «Свабодзе», у Беларусі яе перавезлі ў горад Ветка Гомельскай вобласці і перадалі ў дом-інтэрнат для састарэлых. У чэрвені 2022 году ў выніку сардэчнай недастатковасці яна памерла, і яе пахавалі на могілках у Ветцы. Ва Украіне ў яе застаўся толькі ўнук.
У снежні 2023 году стала вядома аб смерці ў Беларусі 15-гадовай Арыны Яцюк, параненай расейскімі салдатамі ў сакавіку 2022 году пад Кіевам пры спробе эвакуявацца. Яе цела знайшлі ў моргу Мазыра Гомельскай вобласці. Увесь гэты час сваякі шукалі яе ў некалькіх краінах, у тым ліку ў Беларусі. Дзяўчынку апазналі па ДНК пасля таго, як цела перадалі ва Украіну ў парадку абмену.
Расейскія войскі 24 лютага 2022 году ўварваліся ў Чарнігаўскую і Кіеўскую вобласць Украіны з тэрыторыі Беларусі.
Праваахоўныя органы Украіны па выніках расейскай акупацыі часткі Кіеўскай вобласці, якая працягвалася з 24 лютага да 31 сакавіка 2022 году, завялі 11 433 крымінальныя справы на расейскіх вайскоўцаў за ваенныя злачынствы, а таксама на ўкраінскіх калабарантаў.
Буча, Барадзянка і Ірпень Кіеўскай вобласці сталі сімваламі жорсткасці расейскіх вайскоўцаў датычна да цывільнага насельніцтва.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары