Народная прыкмета працуе. Калі на першыя Каляды — адліга, то на другое Раство — моцныя маразы.
5 студзеня на большай частцы тэрыторыі краіны снег, мокры снег, па паўднёвай палове з дажджом. У асобных раёнах краіны, а ноччу і раніцай па поўдні на большай частцы тэрыторыі чакаецца галалёд. На асобных участках дарог галалёдзіца.
Ноччу будзе ад -2°С па поўдні да -17°С па поўначы краіны; максімальная днём -6..-12°С, па поўдні Беларусі яна складзе -5..+1°С.
У Мінску днём чакаецца мінус 11°С.
6 студзеня ноччу ад -6°С па паўднёвым захадзе да -18°С па поўначы краіны, пры праясненнях паветра будзе ахалоджвацца да -19…23°С; максімальная днём -6..-13°С, па поўначы краіны яна складзе -14..-16°С, па поўдні -3..-5°С. У Мінску ўначы будзе мінус 10°С, удзень — мінус 12°С, да вечара стане -14°С.
А 7 студзеня чакаецца яшчэ большае ўзмацненне маразоў. Надвор'е будзе вызначаць скандынаўскі антыцыклон, сфарміраваны ў Арктыцы. Ноччу -16..-23°С, месцамі паветра будзе ахалоджвацца да -24..-27°С, па паўднёвым захадзе Беларусі яна складзе -11..-15°С; максімальная днём будзе ад -9°С па паўднёвым захадзе да -18°С па паўночным усходзе краіны.
У Мінску ўначы і раніцай мінус 19°..-20С, удзень мінус 16°С, пад вечар мінус 19°С. У ноч на 8 студзеня чакаецца мінус 20°С, удзень — -15°С.
Каментары