Прэзідэнт Латвіі паказаў, як знаходзіўся ў сховішчы падчас масіраванай атакі дронаў
Прэзідэнт Латвіі Эдгар Рынкевіч, які знаходзіцца ва Украіне, спускаўся ў сховішча ў ноч на суботу, калі Кіеў падвергнуўся масіраванай атацы дронаў з боку Расіі, піша «Украінская праўда».
«25 лістапада, 05:10 раніцы, Кіеў», — падпісаў фатаграфію Рынкевіч у твітары.
25.11.plkst. 5.10, Kijiva
Foto: Ilmārs Znotiņš pic.twitter.com/56vsUsMJvz
У ноч на суботу, 25 лістапада, Расія выпусціла па Украіне рэкордную колькасць ударных БпЛА — каля 75 «Шахедаў».
Прэзідэнт Латвіі 24 лістапада прыбыў ва Украіну з неанансаваным візітам.
Паводле яго слоў, ён наведаў некалькі аб'ектаў у Чарнігаўскай вобласці, якія адбудоўвалі за сродкі Латвіі, а таксама сустрэўся з прэзідэнтам Украіны Уладзімірам Зяленскім і абмеркаваў з ім двухбаковыя адносіны і падтрымку з боку ЕС і НАТА.
На сумеснай з Уладзімірам Зяленскім прэс-канферэнцыі Рынкевіч выказаў упэўненасць, што Еўрапейскі Саюз, нягледзячы на супраціў асобных дзяржаў-сяброў, у канчатковым выніку прыме ўсе станоўчыя для Украіны рашэнні.
Перад гэтым Рынкевіч заяўляў, што краіны ЕС і NATO павінны павялічыць свае магутнасці абароннай прамысловасці, каб вырабляць неабходнае ўзбраенне для сябе і для Украіны.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза13
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары