Раніцай 7 кастрычніка Ізраіль трапіў пад ракетны ўдар з сектара Газа. Пасля авіяналёту баевікі групоўкі ХАМАС праніклі з Газы на тэрыторыю Ізраіля адразу ў некалькіх населеных пунктах. Яны стралялі па мірных жыхарах, бралі закладнікаў і захоплівалі вайсковую тэхніку. Ізраіль абвясціў экстранную мабілізацыю ў сувязі з нападам баевікоў і пачаў наносіць удары па Газе.
Армія абароны Ізраіля паведаміла, што яе вайскоўцы вядуць баі ў 22 пунктах уздоўж мяжы з сектарам Газа. «Няма такіх паселішчаў на поўдні Ізраіля, дзе не было б нашых сіл», — заявілі вайсковыя прадстаўнікі. Вядома, што сярод ізраільскіх вайскоўцаў ёсць страты, але пра дакладную колькасць загінулых не паведамляецца.
Увогуле ж колькасць загінулых ізраільцян, паводле афіцыйных звестак уладаў Ізраіля, дасягнула 250-ці, параненыя не менш за 1450 чалавек.
Міністэрства абароны Ізраіля заявіла, што будзе выкарыстоўваць супраць групоўкі ХАМАС цяжкую бранятэхніку.
«Наша мэта ў тым, каб усе тэрарысты былі знішчаныя, каб усе супольнасці былі вызваленыя ад тэрарыстаў», — гаварылася ў заяве.
Ізраільская авіяцыя наносіць паветраныя ўдары па сектары Газа. Пад іх патрапілі два высокія будынкі у Газе. Са слоў прадстаўнікоў сіл абароны Ізраіля, у будынках размяшчалася «вайсковая інфраструктура» ХАМАС.
Паведамляецца, што ў сектары Газа ў выніку ўдараў ізраільскай арміі загінулі не менш за 198 чалавек, больш за 1600 чалавек атрымалі раненні.
Прэм'ер-міністр Ізраіля Біньямін Нетаньяху ў вячэрнім звароце да нацыі заявіў:
«Мы ператворым ўсе месцы ў гэтым горадзе зла, дзе хаваецца ХАМАС, у руіны. Ізраільская армія задзейнічае ўсю сваю моц. Жыхары Газы, сыходзьце адтуль неадкладна».
Увечары палесцінскія баевікі здзейснілі ракетную атаку на гарады цэнтральнай часткі Ізраіля. Яны выпусцілі ракеты па Тэль-Авіве, Бат-Яме, Рышон-ле-Цыёне і іншых населеных пунктах, паведаміла ізраільская Нацыянальная медыцынская служба.
Абстрэл пачаўся прыкладна ў 20:00 паводле мясцовага часу, ХАМАС падаў гэта як адказ на ўдар па палесцінскім 11-павярховым будынку ў цэнтры горада Газа. Усяго групоўка ХАМАС, паводле яе заявы, выпусціла па Ізраілі 150 ракет.
Пасля абстрэлу цэнтральных раёнаў Ізраіля ў суботу ўвечары параненыя прынамсі дзевяць мірных жыхароў, паведаміла газета Times of Israel са спасылкай на звесткі медыкаў.
Кіраўніцтва ўсіх краін заходняга свету выступіла з асуджэннем ХАМАСа і падтрымкай Ізраіля. Прэзідэнт ЗША Джо Байдэн выступіў з адмысловым зваротам.
«Мы паклапоцімся, каб грамадзяне Ізраіля атрымалі неабходную дапамогу і маглі працягваць абараняць сябе», — сказаў прэзідэнт ЗША. Падтрымка бяспекі Ізраіля, паводле яго, «з'яўляецца цвёрдай і непахіснай», і ў гэтай краіны ёсць права абараняць сябе і сваіх грамадзян перад абліччам тэрарыстычных нападаў, якія «ніколі не могуць быць апраўданыя».
У той жа час МЗС Ірана падтрымаў ХАМАС, заявіўшы, што «палесцінцы маюць права абараняць сваю зямлю ад акупацыі».
«Выказваем падтрымку народу Ізраіля ў іх барацьбе за сваю краіну». Ціханоўская асудзіла ХАМАС і падтрымала Ізраіль
У 14 населеных пунктах каля мяжы Газы працягваюцца баі
«Чуем, як разбіваюцца вокны і аскепкі трапляюць па машынах». Беларусы Ізраіля пра тое, што адбываецца ў краіне
Ізраіль атакаваў у Газе 17 ваенных комплексаў
На ўсёй тэрыторыі Ізраіля ўведзена надзвычайнае становішча
Афіцыйны Мінск выказаў «сур'ёзную занепакоенасць у сувязі з рэзкім абвастрэннем сітуацыі ў Ізраілі»
Прэм'ер Ізраіля: Гэта вайна
Баевікі ХАМАС увайшлі ў ізраільскія гарады Ашкелон і Сдэрот
Напад ХАМАС на Ізраіль. Па ўсёй тэрыторыі краіны ўведзена надзвычайнае становішча
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары