Грамадства66

«Чуем, як разбіваюцца вокны і аскепкі трапляюць па машынах». Беларусы Ізраіля пра тое, што адбываецца ў краіне

Сёння раніцай баевікі ХАМАС нанеслі масіраваны ракетны ўдар па Ізраілі. Армія краіны прыведзена ў баявую гатоўнасць. Пад абстрэлы найперш патрапілі тэрыторыі, якія мяжуюць з сектарам Газа. Ізраільскія ўлады афіцыйна аб’явілі канфлікт вайною. Беларусы, якія цяпер жывуць у гэтай краіне, распавялі пра падзеі навокал. 

Таццяна (гэта і наступныя імёны змененыя), якая паўгода жыве ў Ашкелоне (горад за 8 кіламетраў ад Газы), прачнулася зранку ад гукаў паветранай трывогі. Паводле яе слоў, апошнія шэсць месяцаў сірэн у горадзе не было чуваць.

«Я прачнулася а шостай раніцы, сон перабіў свіст за акном. Я паглядзела — ляцяць ракеты, іх збіваюць, убачыла ўспышкі. Тады я яшчэ не ўцяміла, што адбываецца, бо ў нас ужо даўно не было абстрэлаў.

Пасля пачатку гуку сірэн схапіла заплечнік, пашпарт і ваду і пайшла на лесвічную клетку. Даведалася, што ў нас у доме няма бамбасховішча, таму прыйдзецца акуратненька перабівацца пад’ездамі», — напісала дзяўчына з раніцы ў сваіх сторыз.

Пасля яна паведаміла, што выбухоўка ўпала на паркоўку ля ейнага дома, аскепкі траплялі ў вокны. Дзяўчына вырашыла заставацца ў пад’ездзе дзеля бяспекі.

«Зараз мы сядзім у пад’ездзе, закрываем вушы, каб не было чуваць звонаў, людзі размясціліся на сярэдніх паверхах, часам выходзяць на вуліцу, калі сціхае гул сірэн. Чуем, як разбіваюцца вокны і аскепкі трапляюць па машынах», — распавяла Таццяна журналісту «Нашай Нівы».

Яшчэ адна беларуская сям’я пераехала зусім нядаўна і некалькі месяцаў жыве ў горадзе Рышон-Ле-Цыён, што ў цэнтры Ізраіля і прыкладна за дзясятак кіламетраў ад Тэль-Авіва. 

«Паветраныя трывогі пачаліся ў нашым горадзе дзесьці а шостай раніцы, агулам было каля сямі сірэн. Дагэтуль сядзім па хатах, выходзіць баімся! Сабралі трывожную валізку. Адна ракета сёння ўпала ў цэнтры Рышона, недалёка ад нас», — распавядае беларуска Вольга і дадае, што да сёння апошнія сірэны яна чула толькі ў маі.

Жанчына кажа, што падчас паветранай трывогі ўсе жыльцы дома выходзяць на лесвічную пляцоўку, у бамбасховішча пакуль не спускаліся.

«Пастаянна чулі гукі, як ракеты збіваюцца купалам, пахла порахам. Цяпер ужо крыху спакайней, не выходзім з кватэры, апошняя сірэна была дзесьці тры гадзіны таму. Але верталёты, машыны хуткай дапамогі і пажарныя ўвесь час зараз гудуць», — дзеліцца яна.

Вольга адзначае, што ніхто не ведае, колькі гэта працягнецца. 

«У памежных пасяленнях усё трагічна, тэрарысты з Газы ўварваліся ў краіну і страляюць па грамадзянскіх, захопліваюць у закладнікі і г.д. Ужо шмат забітых. Вельмі не па сабе», — рэзюмуе Вольга.

Каментары6

  • Свабодны чалавек
    07.10.2023
    суседзі, якіх спансуюць маскавіты. цьфу на вас сто разоў
  • ром
    07.10.2023
    Ну а што не ведали што вайна там??
  • Дроздовские Лукоблуды
    07.10.2023
    Путенская многоходовочка... точняк.

Цяпер чытаюць

Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах10

Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах

Усе навіны →
Усе навіны

Туркменскага студэнта, які парушыў правілы дарожнага руху, паказальна выслалі з Беларусі, запалохваючы астатніх2

Сціплы звонку, царскі ўсярэдзіне. Пад Мінскам прадаюць катэдж з сюрпрызам5

«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»13

Украіна аднавіла атакі дронаў на Маскву і Падмаскоўе4

У Мінску пабудуюць новы корпус для гарадскога анкалагічнага цэнтра. Цяпер на тым месцы — закінутая бальніца

17-гадовы стартапер Бурбіцкі намякае, што Лібер прабраўся да яго ў кватэру і раскідаў рэчы18

У Швецыі анлайн-сэкс прыраўнялі да прастытуцыі: карыстальнікам OnlyFans пагражае турма14

Мяняюцца правілы афармлення банкаўскіх картак4

У Чавускім раёне ласяня згубіла маму і выйшла па дапамогу да людзей. У той жа дзень яно знайшло сабе новага сябра1

больш чытаных навін
больш лайканых навін

Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах10

Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах

Галоўнае
Усе навіны →

Заўвага:

 

 

 

 

Закрыць Паведаміць