З’явіўся каментар Кітая наконт намеру Расіі размясціць ядзерную зброю ў Беларусі
Ядзерная вайна ніколі не павінна быць развязана, бакі павінны засяродзіцца на дыпламатычным рашэнні ўкраінскага крызісу, заявіла на брыфінгу ў панядзелак афіцыйны прадстаўнік МЗС КНР Маа Нін, каментуючы рашэнне Расіі аб размяшчэнні ў Беларусі тактычнай ядзернай зброі.
«Пятага студзеня мінулага года лідары дзяржаў, якія валодаюць ядзернай зброяй, выступілі з сумеснай заявай, у якой гаварылася, што немагчыма выйграць або весці ядзерную вайну, [у заяве] падкрэслівалася, што трэба пазбягаць войнаў паміж дзяржавамі, якія валодаюць ядзернай зброяй, і зніжаць стратэгічную рызыку», — сказала дыпламат, адказваючы на просьбу РИА «Новости» пракаментаваць пазіцыю Кітая адносна рашэння Расіі размясціць у Беларусі тактычную ядзерную зброю.
Маа Нін падкрэсліла, што ў цяперашніх абставінах усе бакі «павінны засяродзіцца на дыпламатычных намаганнях для мірнага ўрэгулявання ўкраінскага крызісу і працаваць разам, каб садзейнічаць вырашэнню сітуацыі».
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары