Мядзведзеў упэўнены, што палякі захопяць Львоў і пераймянуюць яго ў Лемберг
Колішні прэзідэнт Расіі, а цяпер намеснік кіраўніка мясцовай Рады бяспекі нервова зрэагаваў на весткі пра тое, што Польшча збіраецца перадаць Украіне танкі Leopard, а таксама на сустрэчу ў Львове прэзідэнтаў краін «Люблінскага трохкутніка» (Украіны, Польшчы і Літвы) — Уладзіміра Зяленскага, Анджэя Дуды і Гітанаса Наўседы.
Пра танкі Мядзведзеў заявіў, што гэта «жалеза», якое хутка стане «ржавым металаломам», і яно, маўляў, не ўратуе «штучную» Украіну, якая, як ён з Масквы бачыць, «распадаецца на часткі».
Праехаўся ён і па лідарах трох краін-саюзніц:
«Трое ўбогіх з Варшавы, Вільні і Кіева, якія пакутуюць ад імперскіх амбіцый і фантомных боляў, выкліканых гісторыяй, якая іх пашкуматала, сабраліся ў Львове. І моляцца, як высветлілася, на танкі. «Леапарды» там усякія, мадэрнізаваныя нашымі ворагамі Т-72, аб якіх я ўчора казаў, яшчэ нейкія англійскія неліквіды».
Таксама Мядзведзеў выказаў упэўненасць, што мэтай сустрэчы было жаданне «заходнія ўкраінскія вобласці правільна прыстроіць новым (ранейшым) гаспадарам», маючы на мэце, відавочна, палякаў, у склад дзяржавы якіх Львоў уваходзіў да 1939 года.
Адначасова крамлёўскі чыноўнік, які цягам апошняга года добра зжыўся з роллю блазнаватага блогера, чамусьці ўпэўнены, што Львоў зноў будзе перайменаваны ў Лемберг. Хоць Лемберг — зусім не польская назва, а нямецкая. Па-польску Львоў — гэта Lwów.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары
Если, во Львов, придёт не десяток польских леопардов, а несколько сотен, то польские леопарды окажутся в Донецке, Луганске, Симферополе и Севастополе Украины.
А если медведев не закроет дурно пахнущий рот, то польские леопарды могут оказаться в Белгороде, Ростове, а может и в Москве.