Стала вядома, колькі давядзецца плаціць за рэгістрацыю ў чарзе на мяжы
У жніўні быў прыняты ўказ, якім уведзеная платная рэгістрацыя ў сістэме электроннай чаргі на мяжы. А сёння на Pravo.by з'явілася пастанова ўрада з канкрэтнымі цэнамі.
Памер платы за рэгістрацыю ў сістэме электроннай чаргі складзе 1 базавую велічыню за кожны грузавы транспартны сродак і аўтобус (цяпер гэта 32 рублі), 0,3 базавай велічыні за кожны легкавы аўтамабіль, матацыкл і мапед (цяпер гэта 9,6 рубля).
Плаціць будзе кіроўца альбо ўласнік транспартнага сродку.
70% платы за кожную рэгістрацыю будуць накіроўваць аператарам зон чакання, яшчэ 10% — Дзяржпамежкамітэту.
Урад таксама вызначыў тэрміны ўкаранення электроннай чаргі ў двух пунктах пропуску: у «Казловічах» на беларуска-польскай мяжы — да канца 2023 года, у «Макранах» на беларуска-ўкраінскай мяжы — да канца 2025 года.
Цяпер сістэма электроннай чаргі дзейнічае ў наступных пунктах пропуску: «Катлоўка», «Каменны Лог» і «Беняконі» на мяжы з Літвой; «Бераставіца», «Брэст», «Брузгі» на мяжы з Польшчай; «Грыгараўшчына» і «Урбаны» на мяжы з Латвіяй.
Асноўныя палажэнні пастановы ўступаюць у сілу праз 5 дзён пасля яе афіцыйнага апублікавання. Каментарый Дзяржпагранкамітэта з'явіцца пазней на сайце ведамства.
Каментары