Stała viadoma, kolki daviadziecca płacić za rehistracyju ŭ čarzie na miažy
U žniŭni byŭ pryniaty ŭkaz, jakim uviedzienaja płatnaja rehistracyja ŭ sistemie elektronnaj čarhi na miažy. A siońnia na Pravo.by źjaviłasia pastanova ŭrada z kankretnymi cenami.
Pamier płaty za rehistracyju ŭ sistemie elektronnaj čarhi składzie 1 bazavuju vieličyniu za kožny hruzavy transpartny srodak i aŭtobus (ciapier heta 32 rubli), 0,3 bazavaj vieličyni za kožny lehkavy aŭtamabil, matacykł i mapied (ciapier heta 9,6 rubla).
Płacić budzie kiroŭca albo ŭłaśnik transpartnaha srodku.
70% płaty za kožnuju rehistracyju buduć nakiroŭvać apierataram zon čakańnia, jašče 10% — Dziaržpamiežkamitetu.
Urad taksama vyznačyŭ terminy ŭkaranieńnia elektronnaj čarhi ŭ dvuch punktach propusku: u «Kazłovičach» na biełaruska-polskaj miažy — da kanca 2023 hoda, u «Makranach» na biełaruska-ŭkrainskaj miažy — da kanca 2025 hoda.
Ciapier sistema elektronnaj čarhi dziejničaje ŭ nastupnych punktach propusku: «Katłoŭka», «Kamienny Łoh» i «Bieniakoni» na miažy ź Litvoj; «Bierastavica», «Brest», «Bruzhi» na miažy z Polščaj; «Hryharaŭščyna» i «Urbany» na miažy z Łatvijaj.
Asnoŭnyja pałažeńni pastanovy ŭstupajuć u siłu praz 5 dzion paśla jaje aficyjnaha apublikavańnia. Kamientaryj Dziaržpahrankamiteta źjavicca paźniej na sajcie viedamstva.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary