Хатнія сродкі ад сонечных апёкаў — простыя і эфектыўныя. Адразу ж паменшаць боль
Лета — гэта час, калі мы адпачываем і цешымся сонцу. Ёсць і зваротны бок — апёкі. Што з імі рабіць? Прапануем некалькі рашэнняў.
Людзі з адчувальнай скурай, схільнай да раздражнення і людзі са светлай скурай падвяргаюцца найбольшай рызыцы сонечных апёкаў. Гэта звязана з меншай колькасцю меланіну.
Алей перачнай мяты
Гэта эфектыўны сродак ад сонечных апёкаў. Аказвае супрацьзапаленчае дзеянне і паскарае рэгенерацыю эпідэрмісу. Дзякуючы ўтрыманню ментолу гэты прадукт выклікае адчуванне астуджэння і абязбольвае падпаленую скуру.
Для гэтага дастаткова дзвюх кропель алею на палову шклянкі цёплай вады. Памажце гэтай сумессю абпаленыя ўчасткі.
Малочныя прадукты
Калі мы загараем, кіслотны pH скуры парушаецца. А ён абараняе скуру ад страты вільгаці і мікраарганізмаў.
У гэтым могуць дапамагчы малочныя прадукты: кефір, кіслае малако, ёгурт або пахта. Дзякуючы высокаму ўтрыманню жывых культур бактэрый, яны дапамогуць рэгенераваць эпідэрміс і аднавіць правільны ўзровень pH. Проста намажце кефірам спаленыя плечы ці накладзіце кісламалочны кампрэс.
Сонечны апёк 2-й ступені. Што з ім рабіць?
Уздзеянне сонца можа скончыцца не толькі пачырваненнем скуры, але і з'яўленнем балючых пухіроў на ёй. Людзі са светлым адценнем скуры асабліва схільныя да такіх захворванняў. Такія апёкі часта суправаджаюцца не толькі болем, але і павышэннем тэмпературы.
Лепш за ўсё пракансультавацца з лекарам. Для палягчэння дыскамфорту можна выкарыстоўваць хатнія сродкі, такія, як кампрэсы з пахты, кефіру, натуральнага ёгурту ці соку алоэ вера. Яны супакойваюць, ўвільгатняюць і змазваюць скуру.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары