Трэці запуск Starship Ілана Маска скончыўся выбухам праз 10 хвілін пасля пасадкі. ВІДЭА
Прататып пілатаванага касмічнага карабля Starship кампаніі SpaceX Ілана Маска выбухнуў праз 10 хвілін пасля паспяховай пасадкі.
Перад гэтым ён зрабіў выпрабавальны палёт, падняўшыся на вышыню каля 10 кіламетраў, піша «Радыё Свабода».
Гэта першы выпадак, калі SpaceX змагла правесці ўдалую пасадку прататыпа Starship. На кадрах бачна, як частка касмічнага карабля падчас прызямлення загарэлася. Праз некалькі хвілін ён выбухнуў. Нягледзячы на гэта, кампанія SpaceX задаволеная выпрабаваннямі.
Заснавальнік кампаніі Ілан Маск напісаў у твітары, што Starship прызямліўся цэлым. Выбух прататыпа карабля ён пакуль ніяк не каментаваў.
Палёт 3 сакавіка стаў трэцім выпрабавальным запускам Starship. Два мінулыя запускі праходзілі 10 снежня і 3 лютага, у абодвух выпадках ракеты выбухнулі і разбурыліся пры пасадцы.
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
-
Маск плануе стварыць на калязямной арбіце сапраўднае сузор’е цэнтраў апрацоўкі даных. Расія занепакоеная
Каментары