Прадуктаў на расліннай аснове ўсё больш, але знайсці стылёвы веганскі абутак усё яшчэ няпроста.
Скураны абутак настолькі распаўсюджаны, што большасць нават не задумваецца, як гэта ўплывае на навакольнае асяроддзе. І хоць цяпер насельніцтва планеты налічвае сотні мільёнаў вегетарыянцаў, шмат хто з іх зашнуроўвае скураныя красоўкі Nike Air Jordans, носіць угі з аўчыны і лодачкі са скуры цяляці.
Аднак веганства, больш строгі від вегетарыянства, які забараняе выкарыстоўваць любыя матэрыялы жывёльнага паходжання, набірае папулярнасць, таму попыт на веганскі абутак расце ва ўсім свеце. Асаблівую каштоўнасць мае абутак, які пашылі з перапрацаваных матэрыялаў або які біялагічна раскладаецца.
Веганскі абутак можа быць зроблены з сінтэтычных сумесяў ці раслінных матэрыялаў на аснове кукурузы, бавоўны, дрэва, канапель і іншых. Нават від бактэрый, вядомы як чайны грыб, можна ператварыць у веганскую «скуру», піша The Wall Street Journal.
Веганскі лад жыцця яшчэ больш умацоўваецца ў свядомасці людзей дзякуючы знакамітасцям, такім як поп-зорцы Білі Айліш ці актрысе Наталі Портман, якой французскі брэнд Dior пашыў веганскія пантофлі. Веганскай дыеты таксама прытрымліваюцца Арыяна Грандэ, Майлі Сайрус і Джэйджэн Сміт, які летась рэкламаў веганскія красоўкі New Balance.
На жаль, у простых людзей, якія не жадаюць насіць абутак, зроблены з жывёл ці пабочных прадуктаў жывёльнага паходжання, выбар не такі вялікі. Перавага аддаецца парусінавым красоўкам Converse, Vans ці папулярнаму веганскаму абутку Vegas.
Вядомая абаронца правоў жывёл, мадэльер Стэла Макартні не выкарыстоўвае ў сваім аднайменным брэндзе скуру, футра, экзатычныя скуры, пер’е ці клей на аснове жывёльнага калагену. Яе раскошныя пантофлі і сумкі — стандартны набор для багатых веганаў. Тым не менш эка-актывісты крытыкуюць яе за выкарыстанне традыцыйнага шоўку і сінтэтычных матэрыялаў, якія выклікаюць выкіды ў атмасферу, калі раскладаюцца.
Сінтэтычныя заменнікі скуры — адно са спрэчных пытанняў сярод веганаў. З аднаго боку, полівінілавыя змешаныя матэрыялы амаль не адрозніць ад сапраўднай скуры. Але ў той жа час такія рэчывы нельга назваць экалагічна чыстымі.
Брэнд Aera імкнецца распрацаваць абутак, які б біялагічна раскладаўся на сто адсоткаў. У той жа час кампанія спрабуе зрабіць якасны абутак, што не будзе зношвацца з часам. Менавіта таму кампанія выкарыстоўвае 50% біяматэрыялу і 50% сінтэтычнай сумесі. Аднак кампанія сцвярджае, што ў выніку выраб адной экалагічнай пары абутку займае ў два разы больш часу, чым выраб скуранога.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары