«Novych piatrušak vypuścili, chutka paśmiajomsia». Boty jak pa mietadyčcy kamientujuć vyzvaleńnie palitviaźniaŭ
Prapahandysckija sietki apieratyŭna adreahavali na naviny ab vyzvalenni novaj hrupy palitviaźniaŭ. Sabrali asnoŭnaje.
Pieršym čynam boty pačali abiasceńvać achviary źniavolenych, zadajučy rytaryčnaje pytańnie:
«A što hetyja ludzi zrabili dla Biełarusi?»
I sami ž prapanujuć tradycyjnyja adkazy:
«Ničoha», «Ledź nie daviali Biełaruś da vajny».
Kab uzmacnić hradus nianaviści, u chod iduć paraŭnańni sa śmiećciem i niepatrebnymi rečami:
«Vykinuli śmiećcie», «Usiu šałupień niepatrebnuju vykidvajuć», «Adpracavany materyjał».
Sustrakajucca i kamientary, dzie aŭtary byccam by sumniavajucca ŭ rašeńni ŭładaŭ:
«Daremna vypuściŭ», «Daremna», «Nie viedaju, moža, daremna».
Adnak asnoŭny nacisk robicca na prahnazavańnie kanfliktaŭ. Boty z usich sił imknucca davieści, što vyzvaleńnie novaj hrupy palitźniavolenych pryviadzie da abvastreńnia supiarečnaściaŭ unutry demakratyčnych sił:
«Cichanoŭskaja ciapier u šoku. Jak jany ŭsie ŭładu dzialić buduć? Biednaja Śvieta», «U Śviety traur. Tolki ad Siarožy adbiłasia, a tut ceły natoŭp kankurentaŭ u baraćbie za jeŭrapiejskija hranty. Biada!», «Śviecie treba padrychtavać buchhałteryju. Bankir pryjechaŭ».
Inšyja padchoplivajuć hetuju temu, nazyvajučy palityčnyja pracesy šou abo cyrkam:
«Novaja hulnia — chto budzie prezidentam», «A voś i druhi siezon pačaŭsia. Siaroha nie vyciahvaŭ. Novyja piersanažy buduć», «Zaraz pačniecca druhi siezon humaru. Budziem hladzieć usim śvietam. Och, ciapier pačnuć brudam palivać usich i ŭsio», «Vam Cichanoŭskaha mała? Vyrašyli ŭvieś teatr sabrać», «Novych piatrušak vypuścili, chutka paśmiajomsia», «U bryhadzie skamarochaŭ papaŭnieńnie. Pačynajecca novaja sieryja šapito».
Asobnaja ŭvaha ŭ mietadyčkach nadajecca vonkavamu vyhladu viaźniaŭ. Prapahanda cynična śćviardžaje, što turemnyja ŭmovy pajšli ludziam na karyść:
«Jak z kurorta pryjechali», «Usie vyhladajuć značna lepš, čym byli. Sytyja i zadavolenyja».
Asabliva hruba boty kamientujuć kankretnych asob. Voś što pišuć nakont vyhladu Maryi Kaleśnikavaj:
«U Kaleśnikavaj fejs ledź u abjektyŭ ulez», «Kaleśnikava jak na kurorcie pabyvała».
Nie abminuli ŭvahaj i Nobieleŭskaha łaŭreata Alesia Bialackaha:
«Pamaładzieŭ», «Vyhladaje lepš, čym raniej», «Čym karmili? Jak paśla sanatoryja…».
Na fonie abraz palitviaźniaŭ boty aktyŭna prasoŭvajuć naratyŭ pra moc i samastojnaść dyktatara. Jany imknucca davieści, što ŭ pieramoŭnym pracesie apošniaje słova zastajecca vyklučna za Łukašenkam:
«Usio robicca na ŭmovach Łukašenki!!! Baćka — siła!!!», «Łukašenka čarhovy raz pakazaŭ svaju vysakarodnaść i toje, što jon nikoha nie baicca!», «Nijakaha cisku Łukašenka nie baicca!! Navošta ich utrymlivać u turmie? A jak damovišsia, i jany byccam by spracavali, i dla krainy sankcyi źniatyja», «Baćka krasava. Uhoda ahoń», «Łukašenka prosta pryhažun».
Jašče adzin papularny tezis tyčycca ekanomii srodkaŭ. Prapahandysty sprabujuć pierakanać aŭdytoryju, što vyzvaleńnie — heta sposab pazbavicca ad lišnich vydatkaŭ:
«Jon ich vypuściŭ, kab nie karmić 120 čałaviek. Dałoŭ ich z bałansu padatkapłacielščykaŭ», «Niachaj ich usich na ŭhnajeńni pamianiajuć. Niama čaho darmajedaŭ utrymlivać», «Kab heta byli ludzi, to jany zastalisia b u Biełarusi».
I, viadoma, boty nie zabyvajuć čarhovym razam vykazacca adnosna Śviatłany Cichanoŭskaj, imknučysia poŭnaściu nivieliravać jaje rolu ŭ pracesie:
«Nijakaj zasłuhi Cichanoŭskaj niama. Amierykancy paabiacali kuplać biełaruski kalij u abmien na vyzvaleńnie palitźniavolenych», «Jana tut pryčym? Sankcyi nie jana nakładvała i ŭvohule jana kaho-niebudź sustreła ź ich siońnia?», «U Biełarusi Cichanoŭskaja nichto».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary