«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Infarmacyja ab tym, što Litva źniziła ŭzrovień achovy Śviatłany Cichanoŭskaj, aktyvavała botaŭ. U tyktokach i jutubach źjavilisia tysiačy adnatypnych kamientaŭ. Cichanoŭskaja nie pieramahała na vybarach, pišuć jany. Jana — nichto i nikomu nie patrebnaja, piša inšaja hrupa. Jość i novyja siužety. My sabrali asnoŭnyja naratyvy prapahandy, jakija prasočvajucca ŭ kamientaryjach.
Kamu ŭvohule patrebnaja Cichanoŭskaja?
Hety tezis staŭ hałoŭnym u reakcyjach botaŭ na navinu pra źmieny statusa achovy Śviatłany Cichanoŭskaj. Hałoŭny pasył — Cichanoŭskaja nastolki niaznačnaja fihura, što na jaje nichto nie budzie navat zamachvacca.
• A navošta jaje achoŭvać? Kamu jana patrebnaja?
• Ad kaho jaje achoŭvali? Kamu jana ŭvohule patrebnaja?
• Kamu patrebnaja jana, jak i Siaroža.
• A kamu jana patrebnaja, kab achoŭvać
• A jakaja joj niebiaśpieka pahražaje? Kamu jana patrebnaja? Chto jana takaja, kab ruki ab jaje peckać? Jaje ŭ Biełarusi ličać kłoŭnam razam ź Siarožam.
Ciapier jaje budzie achoŭvać Siaroža
Inšaja hrupa botaŭ atrymała ŭkazańnie pościć šutku jumaru, što zaraz achovaj Śviatłany zojmiecca jaje muž Siarhiej.
• Cichanoŭskuju zaraz budzie achoŭvać Cichanoŭski.
• Ciapier jość achova ŭ jaje — Siaroha!
• Siaroža jaje budzie achoŭvać.
• Ciapier jaje muž pavinien achoŭvać.
• Kamu jana patrebnaja? Siarožka budzie achoŭvać.
Jaje navat nie było ŭ biuleteni
Zadača botaŭ taksama — zabłytać i źniavieryć. Tamu častka botaŭ paralelna sprabuje pierakanać aŭdytoryju, što Cichanoŭskaja ŭvohule nie była kandydatkaj u prezidenty, što jaje proźvišča nie značyłasia ŭ biuleteniach dla hałasavańnia.
• Jana nie bałatavałasia nikoli.
• Ja zabyłasia, ale chiba ŭ biuleteni było jaje proźvišča? Chto jaje viedaŭ i hałasavaŭ?
• U sensie pieramahła? Jana što, była ŭ kandydatach?
U jakim miescy jana pieramahła?
Adnak bolš raspaŭsiudžanaja viersija: tak, Cichanoŭskaja ŭdzielničała, ale ni pra jakuju pieramohu havorki iści nie moža. Heta ŭsio vydumki Zachadu i apazicyi.
• Na vybarach jana nie prajšła
• Ja nie čuła, što Cichanoŭskaja pieramahła na vybarach u Biełarusi, heta chłuśnia
• Chto pieramoh? Cichanoŭskaja śmiećcie
• Tryźnieńnie niejkaje: Cichanoŭskaja pieramahła na vybarach. U jakoj krainie pieramahła?
• Uvieś narod viedaje, što Zachad chłusić, nichto nie abraŭ Cichanoŭskuju
• Chto vam skazaŭ, što Cichanoŭskaja pieramahła na vybarach? Chłuśnia.
• Jana hetaksama pieramahła, jak Sandu ŭ Małdovie. Kamu jana patrebnaja?
• u jakim miescy jana pieramahła?
Nasamreč u jaje 3%
Kab nadać svaim słovam važkaści, boty vykarystoŭvajuć psieŭdastatystyku, nazyvajučy kankretnyja, ale ničym nie padmacavanyja ličby.
• Jana navat 20% nie nabrała. Ciapier Litva chaj achoŭvaje
• Łuchtu nie niasicie pra pieramohu na vybarach… Maksimum 3 pracenty…
• U 20‑m Śvietka nabrała 0,3%, kazali 3%, a Siaroža ŭdakładniŭ: 0,3%. Kamu jana patrebnaja? A ŭ Litvie, napeŭna, hrošy niama kudy dziavać.
Ciapier čytajuć
Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim3
Kamientary