«Зараз яе будзе ахоўваць Сярожа». Боты атрымалі новую метадычку пра Ціханоўскую
Інфармацыя аб тым, што Літва знізіла ўзровень аховы Святланы Ціханоўскай, актывавала ботаў. У тыктоках і ютубах з'явіліся тысячы аднатыпных каментаў. Ціханоўская не перамагала на выбарах, пішуць яны. Яна — ніхто і нікому не патрэбная, піша іншая група. Ёсць і новыя сюжэты. Мы сабралі асноўныя наратывы прапаганды, якія прасочваюцца ў каментарыях.
Каму ўвогуле патрэбная Ціханоўская?
Гэты тэзіс стаў галоўным у рэакцыях ботаў на навіну пра змены статуса аховы Святланы Ціханоўскай. Галоўны пасыл — Ціханоўская настолькі нязначная фігура, што на яе ніхто не будзе нават замахвацца.
• А навошта яе ахоўваць? Каму яна патрэбная?
• Ад каго яе ахоўвалі? Каму яна ўвогуле патрэбная?
• Каму патрэбная яна, як і Сярожа.
• А каму яна патрэбная, каб ахоўваць
• А якая ёй небяспека пагражае? Каму яна патрэбная? Хто яна такая, каб рукі аб яе пэцкаць? Яе ў Беларусі лічаць клоўнам разам з Сярожам.
Цяпер яе будзе ахоўваць Сярожа
Іншая група ботаў атрымала ўказанне посціць шутку юмару, што зараз аховай Святланы зоймецца яе муж Сяргей.
• Ціханоўскую зараз будзе ахоўваць Ціханоўскі.
• Цяпер ёсць ахова ў яе — Сярога!
• Сярожа яе будзе ахоўваць.
• Цяпер яе муж павінен ахоўваць.
• Каму яна патрэбная? Сярожка будзе ахоўваць.
Яе нават не было ў бюлетэні
Задача ботаў таксама — заблытаць і зняверыць. Таму частка ботаў паралельна спрабуе пераканаць аўдыторыю, што Ціханоўская ўвогуле не была кандыдаткай у прэзідэнты, што яе прозвішча не значылася ў бюлетэнях для галасавання.
• Яна не балатавалася ніколі.
• Я забылася, але хіба ў бюлетэні было яе прозвішча? Хто яе ведаў і галасаваў?
• У сэнсе перамагла? Яна што, была ў кандыдатах?
У якім месцы яна перамагла?
Аднак больш распаўсюджаная версія: так, Ціханоўская ўдзельнічала, але ні пра якую перамогу гаворкі ісці не можа. Гэта ўсё выдумкі Захаду і апазіцыі.
• На выбарах яна не прайшла
• Я не чула, што Ціханоўская перамагла на выбарах у Беларусі, гэта хлусня
• Хто перамог? Ціханоўская смецце
• Трызненне нейкае: Ціханоўская перамагла на выбарах. У якой краіне перамагла?
• Увесь народ ведае, што Захад хлусіць, ніхто не абраў Ціханоўскую
• Хто вам сказаў, што Ціханоўская перамагла на выбарах? Хлусня.
• Яна гэтаксама перамагла, як Санду ў Малдове. Каму яна патрэбная?
• у якім месцы яна перамагла?
Насамрэч у яе 3%
Каб надаць сваім словам важкасці, боты выкарыстоўваюць псеўдастатыстыку, называючы канкрэтныя, але нічым не падмацаваныя лічбы.
• Яна нават 20% не набрала. Цяпер Літва хай ахоўвае
• Лухту не нясіце пра перамогу на выбарах… Максімум 3 працэнты…
• У 20‑м Светка набрала 0,3%, казалі 3%, а Сярожа ўдакладніў: 0,3%. Каму яна патрэбная? А ў Літве, напэўна, грошы няма куды дзяваць.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала6
Каментары