ES padtrymaŭ značnaje pavyšeńnie pošlin na kitajskija elektramabili
U Jeŭrasajuzie padtrymali pavyšeńnie pošlin na kitajskija elektramabili z 10 da 45%. Novyja taryfy, piša Bloomberg, buduć dziejničać piać hadoŭ.
Novaja staŭka pošliny budzie składać 35%. Hetaja pošlina budzie dapaŭniać užo najaŭnuju ŭ pamiery 10%.
Viadoma, što za novyja taryfy vykazalisia 10 krain, piać členaŭ ES nie padtrymali hetuju prapanovu (siarod ich była Hiermanija), a 12 krain ustrymalisia.
Rašeńnie było pryniata paśla rasśledavańnia Jeŭrasajuza, jaki ŭstanaviŭ, što Kitaj niespraviadliva subsiduje pramysłovaść pa vypusku elektrakaraŭ.
Kitaj užo pryhraziŭ ES mierami ŭ adkaz u dačynieńni da małočnych praduktaŭ, kańjaku, śvininy i aŭtamabilaŭ.
Raniej, u mai hetaha hoda, ZŠA abviaścili ab pavyšeńni pošlin na kitajski impart dla abarony amierykanskich kampanij. Ciapier tam źniali z prodažu samuju papularnuju madel Tesla-Model S, tamu što ŭ jaje vytvorčaści vykarystoŭvajuć akumulatary z Kitaja.
Kamientary