Japoncy prydumali pałački dla ježy, jakija mianiajuć jaje smak i tak prynosiać vialikuju karyść zdaroŭju
Turbujeciesia pra toje, ci nie zašmat soli vy ŭžyvajecie? Japonskija navukoŭcy prydumali elehantnaje vyrašeńnie prablemy — pałački dla ježy, jakija štučna robiać smak praduktaŭ bolš intensiŭnym.
Pryłada składajecca ŭłasna ź dźviuch pałačak dla ježy i ź mini-kampjutara, jaki raźmiaščajecca na zapiaści spažyŭca. Z dapamohaj elektryčnaj stymulacyi iony natryju traplajuć ź ježy ŭ rot taho, chto jaje spažyvaje, što i daje jamu mahčymaść adčuć bolš salony smak, piša Guardian.
Pryładu stvaryli vučonyja z takijskaha univiersiteta Mejdzi razam z kampanijaj Kirin, što vyrablaje ježu i napoi. Aŭtary prajekta źbirajucca zrabić jaho dastupnym dla spažyŭcoŭ u nastupnym hodzie.
U Japonii novyja pałački mohuć atrymać asablivuju papularnaść, bo miascovaja kuchnia nadta bahataja na salonyja pradukty — naprykład, na takija, jak sojevy soŭs. Zvyčajny japoniec spažyvaje ŭ dzień prykładna 10 hramaŭ soli, što ŭ dva razy bolš za rekamiendavanuju SAAZ kolkaść. Kali pastajanna jeści zanadta šmat soli, heta moža spryjać hipiertanii — jana, u svaju čarhu, źjaŭlajecca adnoj z asnoŭnych pryčyn infarktaŭ i insultaŭ.
Padčas vyprabavańniaŭ elektryčnych pałačak respandentam davali tradycyjny japonski sup misa sa źnižanaj kolkaściu soli — ale ž pałački dapamahli ludziam usprymać jaho smak jak zvyčajny. U siarednim, jak pakazali vyprabavańni, pałački rabili ježu ź nizkaj kolkaściu soli ŭ paŭtara raza bolš «salonaj» — ale ž pałački robiać macniejšymi i inšyja smaki.
Tamu, ličać vynachodniki, elektryčnyja pałački mohuć dapamahčy źnizić uzrovień spažyvańnia soli. I nie treba pužacca taho, što pryłada dziejničaje z dapamohaj elektryčnaści, bo tok u joj nadta słaby i nie moža naškodzić čałaviečamu arhanizmu.
Aŭtary prajekta vierać, što ŭ novaj technałohii mohuć być i inšyja varyjanty prymianieńnia. Naprykład, jany ŭžo stvaryli teleekran, jaki imityruje smaki roznaj ježy — i jaho možna lizać.
«Naša Niva» adnaŭlaje zbor danataŭ — padtrymać prosta
Čytajcie taksama:
Navukoŭcy zrabili robata z mahnitnaj ślizi. Heta sapraŭdny navukovy praryŭ, nu i jon vielmi zabaŭny VIDEA
Mikrapłastyk upieršyniu znajšli ŭ kryvi čałavieka. Ci jość niebiaśpieka?
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary