Navuka i technałohii

Navukoŭcy zrabili robata z mahnitnaj ślizi. Heta sapraŭdny navukovy praryŭ, nu i jon vielmi zabaŭny VIDEA

Śliź, jakoj možna kiravać z dapamohaj mahnitnaha pola, moža pieramiaščacca ŭ abmiežavanaj prastory i zachoplivać pradmiety, što robić jaje idealnaj dla mahčymaha vykarystańnia ŭnutry cieła. Naprykład, kab dastavać vypadkova prahłynutyja pradmiety.

Skrynšot z rolika Guardian

Mahnitnaja śliź nie prosta moža ruchacca i abkružać mienšyja za jaje abjekty, jana taksama zdolnaja vielmi mocna defarmavacca i prachodzić praz vuzkija miescy. Substancyja, ruch jakoj kantralujuć mahnity, dobra pravodzić elektryčnaść i moža być vykarystanaja, kab źviazvać elektrody, piša Guardian.

Kab stvaryć hetuju ŭnikalnuju reč, daśledčyk Li Čžan z univiersiteta Hankonha i jaho kalehi źmiašali nieadymavyja mahnitnyja čaścicy sa zvyčajnym ačyščalnym srodkam — buroj. Treci kampanient ślizi — poliviniłavy śpirt, svojeasablivaja smała.

Pakolki ŭ skład ślizi ŭvachodziać mahnitnyja čaścicy, na jaje možna ŭpłyvać z dapamohaj źniešnich mahnitaŭ. Dziakujučy hetamu śliź zdolnaja pieramiaščacca, krucicca i prymać formu litaraŭ O i S. Vučonyja ŭdakładniajuć, što novaja substancyja — sapraŭdnaje navukovaje vynachodnictva, a nie pieršakrasavicki žart, chacia pra jaje i stała viadoma ŭ Dzień śmiechu.

Pakul što daśledčyki tolki vyvučajuć charaktarystyki mahnitnaj ślizi, ale ŭ budučym jany płanujuć vykarystoŭvać jaje jak robata. Daśledčyki dapuskajuć, što substancyja moža dapamahčy pry prablemach stravavalnaha traktu — naprykład, kali treba źnizić škodu ad prahłynutaj batarejki. Ź jaje mohuć vydzialacca taksičnyja elektrality, tamu, kali śliź pakryje ŭsiu pavierchniu batarejki, heta nie daść elektralitam trapić u arhanizm.

Tym nie mienš, mahnitnyja čaścicy ŭ ślizi sami pa sabie taksičnyja. Kab trochi źnizić niebiaśpieku ad ich, daśledčyki pakryli rečyva słojem aksidu kremniju — u teoryi, heta pavinna dapamahčy. Ale vučonyja papiaredžvajuć: toje, nakolki śliź biaśpiečnaja, budzie vielmi zaležać ad taho, kolki času jana praviadzie ŭ vašym arhaniźmie.

 Mikrapłastyk upieršyniu znajšli ŭ kryvi čałavieka. Ci jość niebiaśpieka?

«Naša Niva» adnaŭlaje zbor danataŭ — padtrymać prosta

Kamientary

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić