Śpiektakl pa znakamitym tvory Śviatłany Aleksijevič ab katastrofie na ČAES pastaviła adna z najlepšych režysioraŭ Polščy Jana Ščapkoŭskaja.
Apovieść biełaruskaj piśmieńnicy składajecca z manałohaŭ prostych hramadzian, jakija stali achviarami trahiedyi. U pačatku pracy ź śpiektaklem jaho stvaralniki chacieli paźbiehnuć samych dramatyčnych frahmientaŭ apovieści. Ale chutka pierakanałasia, što nielha takim čynam źmianiać žudasny apovied pra tych, chto pieražyŭ katastrofu. Tym nie mienš,
režysior pastaviła ŭmovu: zrabić tak, kab ludzi nie vychodzili paśla pakazu ŭ depresii. Naadvarot — kab razumieli, što jość nadzieja, što čałaviek instynktyŭna imkniecca da žyćcia i moža spravicca navat apakalipsisu.
«Ja čakaju, što publika znojdzie ŭ sabie siły padumać ab hetym. Tamu što mnie zdajecca časam, što my pieratvarajemsia ŭ dziaciej: uvieś čas niešta kuplajem, zabaŭlajemsia, i žyćcio stanovicca paviarchoŭnaj. Tym časam vakoł nas adbyvajucca surjoznyja rečy. Varta zrabić hety krok pierš za ŭsio dla achviar katastrofy. Hetaja tema pavinna być častkaj našaj śviadomaści. Achviary Čarnobyla isnujuć tut i ciapier, im patrebnyja dapamoha i padtrymka», — kaža Jana Ščapkoŭskaja.
«Čarnobylskuju malitvu» u varšaŭskim teatry pakažuć u sakaviku šeść razoŭ.Tvor, jaki zavajavaŭ suśvietnuju viadomaść i pierakładzieny na 20 movaŭ, stavili na francuzskaj, finskaj i irłandskaj scenach.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary