Były viazień ździviŭ Cichanoŭskaha — jany siadzieli ŭ susiednich kamierach
Na vilenski mitynh Cichanoŭskich pryjšoŭ były palitviazień Juryj Čudzinovič. Akazałasia, što jon siadzieŭ pobač ź Cichanoŭskim.
Čudzinovič uziaŭ słova adnym ź pieršych paśla taho, jak na mitynhu abviaścili volny mikrafon. Cichanoŭski adrazu paznaŭ jaho:
«Heta prychilnik Mikałaja Viktaraviča Statkieviča, ja jaho bačyŭ na mitynhach u Minsku, staraja kamanda».
Ale akazałasia, što i Čudzinoviču było čym jaho ździvić. Juryj źviarnuŭsia da Cichanoŭskaha:
«Ty pravilna kažaš, žestačajšaja turma. Ty siadzieŭ u 17-j chacie (kamiery. — NN), krajniaj, ja siadzieŭ u 15-j. Ja tolki niadaŭna vyzvaliŭsia».
Cichanoŭski radasna ździviŭsia — maŭlaŭ, voś chto da mianie hrukaŭsia!
Juryja Čudzinoviča zatrymali 15 lipienia 2021 hoda, abvinavacili ŭ raspalvańni varožaści, paklopie i niaspłacie alimientaŭ. Z 1 maja 2022-ha da svajho vyzvaleńnia, 10 sakavika 2025-ha, Čudzinovič znachodziŭsia ŭ žodzinskaj turmie — jak ciapier viadoma, u susiedniaj kamiery ź Siarhiejem Cichanoŭskim.
«Naša Niva» — bastyjon biełaruščyny
PADTRYMAĆ
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary