Rasija pašyryła svajo pradpryjemstva pa vytvorčaści stratehičnych bambavikoŭ
Rasija značna pašyryła Kazanski avijacyjny zavod imia Harbunova, dzie vyrablajucca i madernizujucca stratehičnyja bambaviki, u tym liku nośbity jadziernaj zbroi, jak, naprykład, Tu-160. Pavodle finskaha vydańnia Yle, heta paćviardžajuć spadarožnikavyja zdymki.
Uzimku na terytoryi zavoda źjavilisia novyja vialikija vytvorčyja karpusy, adzin ź jakich dasiahaje 320 mietraŭ u daŭžyniu i zajmaje amal 19 000 m² — heta prykładna try futbolnyja pali.
Madernizacyja adbyvajecca ŭ miežach prahramy koštam kala 1 miljarda jeŭra, nakiravanaj na raźvićcio vajskovaj i cyvilnaj avijacyi. Ale prajekt sutykajecca ź ciažkaściami — z-za sankcyj i deficytu kvalifikavanych kadraŭ nie atrymlivajecca vykonvać hrafiki pastavak.
Kazanski zavod — klučavoje pradpryjemstva dla rasijskaj abarončaj pramysłovaści, bo tolki jon zdolny adnavić abo vyrabić novyja stratehičnyja samaloty paśla paniesienych strat. Naprykład, u červieni kala 30% rasijskaj stratehičnaj avijacyi było paškodžana abo źniščana ŭkrainskimi ŭdarami padčas apieracyi «Pavucińnie».
Analizujučy situacyju, vajskovy ekśpiert Marka Ekłund ź Finlandyi adznačaje: niahledziačy na budaŭnictva novych vytvorčych płoščaŭ, heta nie vyrašaje sistemnych prablem haliny. Rasija praciahvaje vypuskać maralna sastarełyja madeli, što śviedčyć pra jaje technałahičnaje adstavańnie ad ZŠA.
U 2024 hodzie zavod zmoh pastavić tolki dva Tu-160M2 i dva Tu-160M, a taksama madernizuje Tu-22M3, jakija vykarystoŭvajucca dla zapusku kryłatych rakiet pa Ukrainie.
Akramia vajskovych zadač, zavod zajmajecca i cyvilnaj avijacyjaj — u pryvatnaści, Tu-204 i Tu-214. Ale i tut vyniki ścipłyja: pry najaŭnaści kantraktu na 23 Tu-214 u 2025 hodzie pabudavany tolki adzin.
Niahledziačy na sankcyi, Rasija za apošnija hady zmahła nabyć avijacyjnyja kamplektujučyja na sumu kala miljarda jeŭra, karystajučysia abychodnymi schiemami. Ale ciapier, pavodle Yle, hetyja šlachi stanoviacca ŭsio mienš efiektyŭnymi.
Ukraincy źniščyli dva rasijskija samaloty na aeradromie pad Vałhahradam, jašče dva paškodžanyja
«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»
Ukrainski F-16 źbiŭ rasijski Su-35 dziakujučy dapamozie šviedskaha samalota
Źjaviłasia novaje VIDEA śpiecapieracyi SBU «Pavucińnie»: z kamiery, zamacavanaj na samim dronie
Rasija nie zmoža adnavić straty dalniaj avijacyi paśla ŭkrainskaj apieracyi «Pavucińnie»
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary