U Rasii vajskovaha piensijaniera asudzili na 18 hadoŭ za rasklejvańnie ŭlotak «Spynim vajnu razam»
Druhi Zachodni akruhovy vajenny sud pryhavaryŭ 57-hadovaha vajennaha piensijaniera i etničnaha ŭkrainca Hienadzia Arciomienku da 18 hadoŭ pazbaŭleńnia voli ŭ kałonii strohaha režymu pa spravie ab «dziaržaŭnaj zdradzie».
Padstavaj dla zaviadzieńnia spravy stała rasklejvańnie ŭlotak z nadpisam «Spynim vajnu razam», paviedamlaje «Dožd́».
Pavodle infarmacyi arhanizacyi, supracoŭniki FSB pryjšli ź pieratrusam da žychara Dziaržynska ŭ kastryčniku 2023 hoda pa spravie ab zachoŭvańni vybuchoŭki, jakuju, jak śćviardžaje abarona, padkinuli. Arciomienku zatrymali. Paźniej u jaho telefonie vyjavili padpiski na ŭkrainskija telehram-kanały, u tym liku na kanał ruchu «Ateš» — vajskovaha abjadnańnia ŭkraincaŭ i krymskich tataraŭ.
Pra aryšt mužčyny ŭ sakaviku 2024 hoda paviedamiła rehijanalnaje UFSB.
Śledstva śćviardžała, što Arciomienka ŭstupiŭ u kantakt z pradstaŭnikami «Ateš» i pa zadańni kaardynatara nibyta fatahrafavaŭ budynak UFSB u Dziaržynsku i kleiŭ na słupach ulotki ruchu. Adnak, pavodle źviestak «Pieršaha adździeła», pierapiska, na jakuju spasyłałasia abvinavačańnie, adsutničaje ŭ materyjałach spravy, i dziaržaŭny abvinavaŭca nie zdoleŭ pradstavić jaje navat u sudzie.
U arhanizacyi taksama adznačajuć, što paśla pačatku vajny Arciemienka sprabavaŭ vyvieźci z Ukrainy pažyłuju maci. Jon źviartaŭsia va ŭkrainskija dziaržaŭnyja orhany z prośbaj dazvolić karotkaterminovy ŭjezd. Paśla ŭzłomu jaho elektronnaj pošty hetuju pierapisku atrymali rasijskija siłaviki.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary