«Heta nie situacyja, heta sutnaść Rasii». Biełaruska raskazała pra śmiešny dyjałoh u prybiralni na čyhunačnym vakzale ŭ Breście
Žančyna dumała, što košt prybiralni paznačany ŭ rasijskich rublach. A potym ździviłasia, kali daviedałasia, što nie zmoža raźličycca imi, piša BGmedia.
Biełaruska Śviatłana raskazała ŭ TikTok pra situacyju, śviedkaj jakoj stała. Jana myła ruki ŭ płatnaj prybiralni na čyhunačnym vakzale ŭ Breście i pačuła dyjałoh pamiž rasijankaj i kasirkaj. Žančyna dumała, što cana naviedvańnia paznačana ŭ rasijskich rublach, i chacieła zapłacić imi. U kamientaryjach pad videa biełarusy śmiajucca z hetaj situacyi i adznačajuć, što takija vypadki časta zdarajucca ŭ Minsku.
Rasijanka nie viedała, kudy pryjechała?
Biełaruska raskazała, što situacyja adbyłasia na čyhunačnym vakzale Bresta. Chutčej za ŭsio, havorka pra vakzał Brest-Centralny. Unutry jość płatnaja prybiralnia, košt — 1 rubiel.
«Tam zachodziš, siadzić žančyna, praź jakuju prachodzić vialiki patok ludziej, jana takaja abyjakavaja da ŭsich. U jaje akienca takoje, dzie napisana «1 rubiel». Nu, usio zrazumieła, uvachod 1 rubiel. Ja ŭžo staju tam, ruki myju i naziraju takuju karcinu. Zachodzić darosłaja žančyna», — raspaviadaje biełaruska ŭ videa.
Dalej pamiž rasijankaj i kasirkaj adbyŭsia voś taki dyjałoh:
— O, prybiralnia płatnaja?
— Tak.
— Adzin rubiel?
— Tak.
— Našych?
— U sensie, «našych»? Jakich «našych»?
— Rasijskich.
— Nie, biełaruskich. Nu, jak by… vy ŭ Biełarusi.
— A kolki heta ŭ našych?
— Nu, adkul ja viedaju, kolki heta ŭ vašych? My žyviom u Biełarusi, vy ciapier na terytoryi Biełarusi. Ja nie viedaju, kolki heta ŭ vašych. Heta adzin biełaruski rubiel.
— A kolki mnie treba dać rasijskich, kab heta byŭ rubiel u vašych?
— My nie prymajem rasijskija.
— Čamu vy nie prymajecie rasijskija? A jak mnie z vami raźličycca? A kolki heta ŭ našych? A kartu prymajecie?
— Kartu prymaju.
«Usio, pytańnie vyrašana. Vielmi cikava. Ja paśmiajałasia prosta z hetaj situacyi. Ujaviła, dapuścim, ja ŭ jakoj-niebudź krainie, prychodžu i kažu: kolki mnie treba vam dać biełaruskich rubloŭ, kab heta było stolki ŭ vašych rublach. Takaja cikavaja situacyja», — prakamientavała pačuty dyjałoh aŭtar videa.
«U Minsku ŭ roznych ustanovach takoje pastajanna»
U kamientaryjach niekatoryja rasijanie pasprabavali abaranić svaju suajčyńnicu:
«Dy i naohuł, nie pierałamałasia b joj rastłumačyć klijentu, jak iduć spravy. Na rasijskija heta 30 rubloŭ, i niatanna schadzić u prybiralniu, ja tak skažu».
«Vy surjozna? Kasir u prybiralni pavinien viedać kurs zamiežnych valut?».
«U mianie adnojčy była takaja situacyja: da mianie ŭ kramu zajšoŭ mužčyna, uziaŭ butelku vady i kaža, rasijskich u jaho hrošaj niama, jość tolki tenhie. Ja pradała za tenhie i ŭ kasu ŭkłała svaje, a jaho hrošy pakinuła sabie na pamiać) I ničoha padobnaha ja jamu nie kazała, u ŭsich byvajuć roznyja situacyi!»
Biełarusy ŭ kamientaryjach adznačajuć, što padobnyja vypadki z rasijanami zdaralisia i 8 hadoŭ tamu. Apošnim časam ich jašče bolš, asabliva ŭ Minsku:
«Takija situacyi stanoviacca rehularnymi».
«Heta nie situacyja, heta sutnaść Rasii».
«U Minsku ŭ roznych ustanovach takoje pastajanna».
«Ja pracavała na kasie, mužčyna nabraŭ tavaru na 800 biełaruskich rubloŭ, a potym skazaŭ: pieraviadzicie ŭ rasijskija, kolki heta. Ja adkazvaju, što nie viedaju. A dla čaho vy tut siadzicie? Mnie nie cikava, kolki heta ŭ rasijskich. Čamu ja pavinna heta viedać, kali ja pracuju ŭ Minsku».
«Prapahanda tak pracuje, što dla rasijan ciapier jakraz usim zdajecca, što rasijski rubiel u Biełarusi ŭsiudy prymajecca, tamu i takija pytańni».
«U mianie było pytańnie kruciejšaje ad turystaŭ z Rasii: a dzie ŭ Maskvie ja mahu kupić i za kolki na «našyja» bializnu «Miłavica»?»
«Jašče 8 hadoŭ tamu rasijanie vielmi ździŭlalisia tamu faktu, što ŭ RB nielha raźličvacca ich rublami».
A niekatoryja pažartavali, kali pahladzieli videa:
«Skazała b [kasir] 1 000 [rasijskich rubloŭ], i to pa błacie».
«Naohuł, kasir u prybiralni pavinien viedać ruskuju, anhlijskuju, niamieckuju i jašče 3 lubyja zamiežnyja, kurs valut i bitkojna. Biez hetych umoŭ na kasu prybiralni nie ŭładkavacca».
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary