Tramp zajaviŭ, što ŭ Zialenskaha ciapier «jašče mienš kartaŭ», i abvinavaciŭ Kijeŭ u tarmažeńni pieramoŭ
Prezident ZŠA Donald Tramp znoŭ raskrytykavaŭ Ukrainu ŭ suviazi z adsutnaściu vynikaŭ u pieramovach ab zakančeńni rasijska-ŭkrainskaj vajny i zajaviŭ, što ciapier u prezidenta Ukrainy «jašče mienš kartaŭ». Pra heta jon skazaŭ u intervju Politico, piša «Jeŭrapiejskaja praŭda».
Kamientujučy pieramovy pamiž Ukrainaj i Rasijaj pry pasiarednictvie ZŠA, Tramp adznačyŭ, što Uładzimiru Zialenskamu «para dziejničać» i zabiaśpiečyć zaklučeńnie pahadnieńnia. Jon taksama znoŭ vykazaŭ mierkavańnie, što Uładzimir Pucin hatovy da damovy.
Pry hetym amierykanski lidar nie rastłumačyŭ kankretna, u čym bačyć pieraškody z boku ŭkrainskaha kiraŭnictva, ale zajaviŭ, što Zialenski nibyta nie demanstruje dastatkovaj hatoŭnaści da pieramoŭ i źjaŭlajecca pieraškodaj dla ich.
«U vas niama kartaŭ. U jaho ciapier jašče mienš kartaŭ», — skazaŭ Tramp.
Akramia taho, jon čarhovy raz raskrytykavaŭ administracyju Džo Bajdena za biaspłatnyja pastaŭki bojeprypasaŭ Ukrainie, adznačyŭšy, što ich možna było b lepš pradavać krainam Blizkaha Uschodu.
Tym časam prezident Ukrainy Uładzimir Zialenski paviedamiŭ, što ZŠA paprasili dapamohi ŭ supraćdziejańni dronam «Šachied», jakija Iran ciapier aktyŭna vykarystoŭvaje na Blizkim Uschodzie.
Papiaredni raŭnd pieramoŭ pamiž Ukrainaj i Rasijaj adbyŭsia ŭ lutym. Paźniej u Maskvie zajavili, što pakul niama jasnaści nakont nastupnaj sustrečy i miesca jaje praviadzieńnia, bo pieramovy ŭ Abu-Dabi, jakija raniej razhladalisia, mohuć nie adbycca z-za vajny na Blizkim Uschodzie. Taksama z Kramla hučali sihnały, što Rasija moža vyjści ź pieramoŭ, kali Ukraina nie pahodzicca na terytaryjalnyja sastupki. U Jeŭrakamisii takuju pazicyju nazvali sprobaj zaciahnuć pieramoŭny praces.
Tramp u razmovie ź Zialenskim skazaŭ, što choča, kab vajna skončyłasia jak maha chutčej, naprykład, praź miesiac
«Usia sprava ŭ adnoj asobie»: Zialenski źviarnuŭsia da Trampa z adnoj prośbaj
Naš vychad z Danbasa nie spynić Pucina: Zialenski nazvaŭ čakańni ZŠA niedalnabačnymi
Zialenski prapanavaŭ krainam Blizkaha Uschodu pamianiacca z Ukrainaj: rakiety dla Patriot na ŭkrainskija drony-pierachopniki
Zialenski prapanavaŭ arabskim lidaram dapamahčy źbivać iranskija drony, kali jany pierakanajuć Pucina pajści na pieramirje
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki39
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary