Sistemnaha administratara Biełaruskaj čyhunki i byłoha śpiecnazaŭca asudzili za palityku i abvieścili terarystam
Dźmitryj Kalinoŭski atrymaŭ termin za «zakliki da naniasieńnia škody Biełarusi».
Dźmitryju Kalinoŭskamu 48 hadoŭ. Jon naradziŭsia ŭ Rahačovie, ale vyras u Minsku. Paśla škoły z 1995 pa 1997 hod jon prajšoŭ terminovuju słužbu ŭ elitnaj 5‑j asobnaj bryhadzie śpiecyjalnaha pryznačeńnia, što bazirujecca ŭ Marjinaj Horcy. U 2002‑m mužčyna zavočna atrymaŭ dypłom prahramista na fakultecie kampjutarnych sistem i sietak BDUIR. U sacsietkach Kalinoŭski paznačaŭ, što žanaty, maje dzicia.
Z 2000 hoda Dźmitryj pracavaŭ sistemnym administrataram na Biełaruskaj čyhuncy. Pa pracy jon zajmaŭsia naładkaj sietkavaha abstalavańnia. Nieviadoma, ci jon pracavaŭ da samaha zatrymańnia, ci ŭžo paśpieŭ źmianić pracu, ale śfieru pracy jon nie źmianiaŭ: u profilnych čatach pytaŭsia pra naładku sietkavaha abstalavańnia.
Minski haradski sud vynies Kalinoŭskamu prysud pavodle častki 3 artykuła 361 Kryminalnaha kodeksa («Zakliki da mier abmiežavalnaha charaktaru ci inšych dziejańniaŭ, nakiravanych na pryčynieńnie škody nacyjanalnaj biaśpiecy»).
Ciapier mužčyna adbyvaje pakarańnie — imavierna, jamu prysudzili kałoniju.
Ad siońnia jon uklučany ŭ śpis «terarystaŭ», jaki składaje KDB.
«Naša Niva» — bastyjon biełaruščyny
PADTRYMAĆCiapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ18
Kamientary