Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach
U Aleny zastaŭsia 18‑hadovy syn.
Aleny Pankovaj nie stała ŭ lutym 2026 hoda. «Lena pamierła raptoŭna: byŭ čałaviek — i bolš niama. Vielmi strašna», — kaža siabar siamji.
Letam 2025 hoda Pankovu asudzili pa 342‑m artykule Kryminalnaha kodeksa (dziejańni, što hruba parušajuć hramadski paradak) — tak kvalifikavali ŭdzieł u maršach pratestu. Siłaviki ŭskočyli ŭ apošni vahon — jašče paru miesiacaŭ, i terminy daŭniny minuli b.
A tak jaje paśpieli asudzić u sudzie Kastryčnickaha rajona Minska.
Alenie dali chatniuju chimiju. Heta značyć, što ŭ jaje byŭ žorstki hrafik žyćcia — z domu na pracu i nazad. My nie viedajem pryčyny śmierci Aleny, niajasna i toje, ci skardziłasia jana zdaroŭje. Ale dla chatnich chimikaŭ schadzić da doktara — heta vialikaja łahistyčnaja prablema, treba niejak dać rady za tuju «svabodnuju» hadzinu paśla pracy. Albo zahadzia pisać zajavu i adprošvacca ŭ inśpiektara.
Alena — hieohraf pa adukacyi. Jana lubiła žyvioł, vandroŭki i pachody, zachaplałasia viazańniem.
Pa infarmacyi BelPol, u žančyny zastaŭsia 18‑hadovy syn.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary
-----------------------
Narodzie, tahdy tolki zažyvieš ščaśliva, kali nad taboju maskala ŭže nie budzie.